Ignacio Zubiri EHUko Ekonomia katedraduna dugu bertoko fiskalitatea hobekien ezagutzen duten adituetako bat; bada, berak esan ohi du “enpresek gutxi ordaintzen dute, edo bat ere ez”. Borondate oneko baten batek pentsa dezake askotxo esatea dela, egunero ikusten baititugu albistegietan gure agintariak enpresaburuekin, edo lantegiak bisitatzen. Hor agertzen dira ere elkarrekin omenaldi, sari banaketa eta era guztietako jaialdietan; agerikoa da gure erakundeetako arduradunek benetan nortzuen interesak defendatzen dituzten.
Petronor da horren adibiderik argiena. Esan ohi da Bizkaiko Foru Ogasunaren zergadunik handiena dela. Urkullu lehendakariak eta Arantxa Tapia industria sailburuak findegira bisita egin zuten joan den ekainaren 16an. Handik egun batzutara Unai Rementeria Bizkaiko diputatu nagusiak aurkeztu zituen Petronorreko presidentearekin batera egin asmo dituzten proiektuak. Beraz, publiko-pribatu delakoaren arteko sintonia perfektua.
Aurtengo irailean esan dute azken urtean “Petronorrek euskal ogasunei 770 milioi euroko sarrerak” ekarri dizkiela; halaxe errepikatzen da hedabideetan. Baina hori egia ote da? Zubirik esaten duen bezala, gutxi edo bat ere ez.
Petronorren emaitza-kontuetatik atera ditugu datuok:
Beraz, propaganda alde batera utzita, errealitatea da Petronorrek Sozietateen Zergarekin dirua irabazten duela (kasu honetan 7 milioi euro), nahiz eta 135 milioi irabazi. Eta erakundeek Petronorri askoz diru gehiago ematen diote (38 milioi) enpresak zergetan ordaintzen duena baino (tokiko zergetako 14 milioi eskasak).
Petronorren ekarpena aipatzen denean litekeena da gogoan dutena enpresako langileek ordaintzen duten PFEZa izatea. Zergak ez baititu enpresak ordaintzen, beharginek baizik. Agian kontuetan gehituko dira ere ogasunek Hidrokarburoen gaineko Zerga Berezia edo BEZ medio dituzten sarrerak. Zerga hauek ere ez ditu enpresak ordaintzen, geuk baizik, gure ibilgailurako erregaia eskuratzen dugun aldiro. Beraz, esan dezakegu Petronorrek gutxi ordaintzen duela, edo bat ere ez. Zubiri irakaslearen esaldia benetan zuzena da.
Jakin nahiko genuke Urkulluk, Rementeriak eta albisteari oihartzuna ematen diotenek honen berri ba ote duten. Sinesgaitza da ez jakitea, eta oso larria litzateke. Baina are larriagoa da benetan zer dagoen jakinik enpresen aurpegia garbitzeko operazioan parte hartzea, hauek ongizate sozialaren alde ezer egiteko prest ez daudenean.
Beste ondorio bat da tarte oso handia dagoela enpresek etekinengatik ordaintzen dituzten zergak igotzeko, batik bat dozenaka eta ehunka milioiko irabaziak dituzten korporazio handiei dagokienez. Petronorrek zergak ordaindu beharko lituzke, baina araudiak horri iskin egiteko aukera ematen dio. Eta araudia nortzuk egiten dute? Petronorreko buruekin argazkian ageri diren horiek. Hortaz, botere politikoa eta botere ekonomikoa elkar hartuta daude Petronorrek eta beste enpresa batzuek etekinei lotutako zergarik ordain ez dezaten.
Enpresei zergak igotzeko aukera ukatzen dutenei eskatuko genieke hipokrita ez izateko, batez ere egungo egoeran, eta egia esan dezatela. Ondo al deritzote Petronorrek egundoko etekinak lortu arren zergarik ez ordaintzeari? Bada, hala esan dezatela; kitto. Baina ez dezatela, arren, esan ez dela une egokia enpresen etekinen, ondarearen, kapitalen eta errenta altuen gaineko zergak igotzeko. Inoiz ez da egokiera ona; gure agintarien ustez egundo ez da komeni aberatsenen poltsikoa (apur bat bada ere) arintzea.
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Olinpiar Jokoek eta Paralinpiarrek dakarten "festa" gutxietsi gabe, kostu sozial, ekologiko eta ekonomiko izugarria eragin dutela dioten ahotsak ere badira, entzun nahi izanez gero. Horretan dabiltza Frantziako Legebiltzarretik, LFI Frantzia Intsumisoa alderdiko... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
3.364 langabe gehiago erregistratu dira abuztuan Hego Euskal Herrian. Gehienak, emakumeak: 2.355. ELA eta LAB sindikatuek seinalatu dute "aldi baterako kontratu prekarioak" daudela horren atzean.