“Petronorrek kirola zikintzen du” mezua zabaldu du Greenpeacek Zierbenako estropadan
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".
Igandean Zierbenan jokatu den Eusko Label Ligako 'Petronor Bandera' estropadan zabaldu du talde ekologistak Stop greenwashing. Petronorrek kirola zikintzen du mezudun pankarta.
"[Petronorrek eta Repsolek] klima aldaketa eragiten eta larrialdi klimatikoan aktiboki laguntzen dute, euren irudia garbitzeko era guztietako ekitaldiak erabiltzen dituzten bitartean", adierazi du Ana Parallé Greenpeaceko ekintzaileak. "Eskaera argia da, Petronorrek alde batera utz ditzala erregai fosilak, baita bere jardun kutsatzaileaz engainatu eta benetako ekintza klimatikoa geldiaraztea beste helbururik ez duten publizitate-praktikak ere". Gaineratu du erregai fosilekiko dependentzia "izugarri altua" dela Euskal Herrian eta, hala ere, energia-enpresa nagusiak jasangarritasun irudia ematen saiatzen direla, horretarako baliatuz besteak beste kirol ekitaldiak.
Publizitatea debekatzeko eskaera
Greenpeacek gogorarazi du Erresuma Batuan debekatu egin dutela petrolio-enpresen publizitatea paratzea kalean edota hedabideetan, baina Espainiako Estatuan oraindik ez dagoela antzerako legerik "enpresa horiei irudia garbitzen jarraitzea galarazteko". Hori horrela, erakunde ekologistak eskatu du klima-larrialdietan gehien laguntzen duten enpresen mota guztietako publizitatea debekatzea, tabakoaren industriarekin egin zen bezala.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.
Bilboko auzitegiak "justifikazio gabekotzat" jo du Petronorrek pasa den maiatzean indarrean jarri zuen aldi baterako enplegu erregulazioa (ABEE). Enpresak adierazi du epaiari helegitea jarrriko diola.
Petróleos del Norte enpresaren akronimoa da Petronor. Petrolioaren industriako enpresa da eta Bizkaiko Muskizen dauka egoitza soziala. Instalazio nagusiak ere herri horretan dauzka, Kantabriako mugan, La Arena hondartza ezagunaren ondoan. Petronor 1968an legeztatu zen... [+]
2008ko udan sortu zen Meatzaldea Bizirik elkarte ekologista izen bereko eskualdean, Cokearen Aurkako Koordinadoraren segida modura eta bide batez hari izaera legala emateko. Otsailaren 12rako manifestazioa deitu dute Muskizen, Petronorren ate aurrean, findegiari bertan... [+]
Ekainaren 11tik 20ra greban daude Petronorreko langileak, zuzendaritzari Aldi Baterako Enplegu Erregulaziorako Espedientea erretira dezala exijitzeko. Mobilizazio egutegi indartsua antolatu dute langileek eta Bilboko beste hainbat enpresen borrokekin bat egiten ari dira... [+]
Bilboko portua eta Zorrotzaurre artean gasbide bate eraikitzeko makroproiektua aurkeztu dute 78 erakunde publiko eta pribatuk Euskalduna Jauregian. 2020 eta 2026 artean 1.300 milioi euro inbertitzea aurreikusten dute. Petronor-Repsol da proiektuaren sustatzaile nagusietakoa.
