“Petronorrek eraldaketa hitza darabil, baina enplegu suntsiketa besterik ez dugu ikusten”
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez duela egiten. Azken lau urteetan 600 milioi euroko etekinak izan ditu.
Goizean goizetik ekin diete mobilizazioei Petronorreko langileek. Lanuztea zegoen deituta ostegun honetarako enpresa batzordearen eskutik eta 8:30ean hasita manifestazioan abiatu dira Barakaldoko BEC erakusketa aretoraino, enpresak urteko biltzarra baitzuen egitekoa bertan.
Dozenaka beharginek elkarretaratzea egin dute atarian, asko laneko buzoekin, Petronorrek funts europarrak jasotzen ditu baina enplegua suntsitzen du, zioen pankartaren atzean.
Ondoren egindako prentsaurrekoan, zerbitzuen kanporatzea eta kontratazio berrien prekarizazioa salatu dute, enpresak "irabazkiak lehenetsi" dituelako beste ezeren gainetik: "Zuzendaritzak nahi duena da oraina irabazi eta etorkizuna eraiki, baina lantaldeari ahotsa kenduta eta findegiaren eguneroko errealitateari bizkarra emanda –azaldu dute–. Eraldaketa hitza darabil ahoan, baina enplegu suntsiketa besterik ez dugu ikusten".
Azken lau urteetan Petronorrek 600 milioi euro irabazi dituela gogorarazi dute, 2022an soilik 470 milioi euro. Eta hala ere, behin behineko enplegu erregulazioak ezarri izan ditu. Are gehiago, lantaldea "argaltzen" diharduela salatu dute Barakaldoko ekitaldian, eta KPIari dagokion igoera ez dela soldatatan nabaritzen.
Argaltze estrategia horri zuzendaritzak "eraldaketa" deitzen dio langileen ordezkarien ustez, "baina ikusten ari gara lantegia gero eta baldintza kaskarragoetan dagoela; duela urte batzuk pentsaezinak ziren egoerak gertatzen dira".
Argaltze estrategia horri zuzendaritzak "eraldaketa" deitzen dio langileen ordezkarien ustez, "baina ikusten ari gara lantegia gero eta baldintza kaskarragotan dagoela; duela urte batzuk pentsaezinak ziren egoerak gertatzen dira"
Bentzenoa, amiantoa...
Esaterako, findegian ustegabeko etenaldiak gertatzen direnerako dauden ordezkapen ekipoek "urteak ematen dituzte konpondu gabe", eta horrek arrisku egoerak sortzen ditu, adibidez bezenoarekin kontaktua egon daitekeelako, nahiz eta 2022tik legeak onartzen duen gai hori kartzinogenoa dela eta azaleko tumoreak sor ditzakeela.
Amiantoaren kasuan, duela zazpi urte Petronorreko zuzendaritzak hitz eman zuen lantegian dagoen asbesto guztia 2024 urterako kenduko zuela: "Urtea amaitzeko hilabete eskas geratzen denean, amiantoa duten ekipo eta lineak azaltzen dira oraindik ere", salatu dute langileek.
Egoera horren irakurketa zorrotz bat egin dute: azpikontratazio politikaren ondorio ere bada
Egoera horren irakurketa zorrotza egin dute: azpikontratazio politikaren ondorio ere bada. Zerbitzuak esternalizatuta, kanpoko enpresek lantaldearen bizkar baldintza okerragoak jartzen dituzte, aurrekontua murrizteko.
Arriskua, jendez betetako ingurunean
Lantegian egiteke dauden konponketak aipatu dituzte prentsaurrekoan, eta egitekoen ilara luzea ari dela sortzen ondorioz: "Hori guztia jendez betetako ingurune batean...", esan dute, lantegitik kanpo sor daitekeen arriskua aditzera emanez.
Bestalde, arrisku psikosozialen ebaluaziorik ez egoteak patologia ugari bazterrean uzten dituela ere nabarmendu dute, eta horrek absentismoa handitzen duela ezinbestean.
Azaroaren 7an langileek asanbladan erabaki zuten mobilizazioei heltzea, Petronorreko lan baldintzen egoera orokorra salatzeko. Horretan jarraituko dutela ohartarazi dute, zuzendaritzak langileak ez baditu "kontuan" hartzen behinik behin: "Bestela, dirua kontu batetik bestera aldatzeko txiringito bat baino ez da izango enpresa hau, gizarteari etekinik ekarri gabe", amaitu dute.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]