Petrolioaren prezioak %7 egin du behera Saudi Arabiaren adierazpenen ostean
Larunbatean Yemengo Huthiek drone bidez Saudi Arabiako bi petrolio findegi nagusiei eraso egin zieten, herrialdearen petrolio produkzioa erdira jaitsiz. Honek urre beltzaren prezioa %10 igotzea ekarri zuen, baina merkatua berriz egonkortu da egun batzuen ostean.
Saudi Arabiak adierazi du hilabetearen amaierarako petrolioaren prezioa erasoen aurreko bera izatera igaroko dela, eta honek merkatuaren berehalako erreakzioa ekarri du, prezioak %7 egin baitu behera. Erasoen ostean AEBek petrolio erreserbak aktibatuko zituztela adierazi zuten, baina berri hauen ostean Donald Trumpek berak esan du ez dela beharrezkoa izango.
“Produkzioa irailaren amaieran egonkortuko da”, adierazi du Saudi Arabiako Energia Ministroak, Abdulaziz bin Salman printzeak. Erasoen aurrean Aramcok izan duen erreakzioa goraipatu du, berehala lanean jarri eta berreskuratzen hasi direla gogoraraziz.
Gorabeherak zifratan
Larunbateko erasoen ostean, Brent gordinak (nazioarteko erreferentzia indizea) %20 arte egin zuen gora, azken 30 urtetako igoera handiena, eta %10ean egonkortu zen. Honek petrolioaren prezioa 60,25 dolarretik 66,56 dolarrera igotzea eragin zuen. Astearte honetako jaitsierarekin, baina, 64,6 dolarrean jarri da.
Konponketa lanak
Aramco Saudi Arabiako petrolio enpresa nagusiaren presidenteak, Amin Nasserrek, adierazi du oraindik erasoek eragindako kalteak neurtzen ari direla, baina enpresaren “handitasuna” ikusita aurreikusten dute ez dela hainbesterako izango. Zazpi ordutan sute guztiak itzaltzea lortu zutela gehitu du Nasserrek.
Larunbateko erasoak
Joan den larunbatean Yemengo Huthiek Saudi Arabiako bi petrolio findegi nagusiei egin zieten eraso; bi findegi hauek herrialdeak produzitzen duten petrolioaren erdia eta munduko produkzioaren %5a egiten dute, eta berehala alarmak piztu zituen mundu osoan. Hemen ikus dezakezu erasoei buruz egin genuen albistea.
Mozambiken gas eremu zabal batean erauzketa prozesu bat martxan ezartzeko prest zen 2020an TotalEnergies enpresa frantsesa, eta gunearen segurtasuna bermatzeko Mozambikeko unitate militar bat kontratatu zuen. Baina Afrikan egitekoa zuen "inoizko inbertsio pribaturik... [+]
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
BP, Shell, Chevron, ExxonMobil eta TotalEnergies enpresek 100.000 milioi dolar (90.100 milioi euro) banatuko dituzte euren inbertitzaileen artean, inoizko ordainsari handiena. Ukrainako gerraren ondorioz, 2023 urtean etekinen errekorra gainditu dute burtsan kotizatzen duten... [+]
Yasuni: Ez da teleberrien eta komunikabie erraldoien berri printzipala izan baina… Joan den abuztuaren 20an Ekuadorko Errepublikako herriak (17,8 milioi biztanle) baietz borobila (%59 alde) eman zion kontsulta konstituzional batean, hauteskunde presidentzialekin batera,... [+]
2030. urterako autoen %15 erabat elektrikoa izatea aurreikusi badute ere, horiek hornitzea ez dela errentagarria izango nabarmendu du Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek, Iruñean egindako bilkura batean.
“Ekuadorreko amazonas” bezala ere ezaguna da parke nazionala –2.000 zuhaitz, 204 ugaztun, 610 hegazti, 121 narrasti eta 250 arrain espezie aurkitu dituzte bertan–. Yasunidos eragilea izan da galdeketa egitearen alde eta zonalde natural hori ustiatzearen... [+]
Nagusiki petrolioaren eta gasaren sektorean inbertitzen segitu arren, energia berriztagarrietan bideraturiko inbertsioetan zentratzen du bere komunikazioa Frantziako multinazionalak. Azken bi urte eta erditako agirien aztertzen aritu da Bloom Gobernuz Kanpoko Erakundea, eta... [+]
Duela 34 urte Shell konpainiak klima aldaketaren eraginak aztertu zituen, hilabete honetan Benjamin Franta ikertzaileak zabaldu duen txosten konfidentzial batek azaltzen duen bezala. Klima aldaketaren jatorriaren eta bere eragin ezberdinen jakitun izanik ere, petrolio konpainia... [+]
Bi herrialde horiek Errusiako petrolio inportazioen %90 osatzen dute. Europak nabarmen jaitsi du eskaera, baina gainontzeko herrialdeen eskaerak handituta, Errusiaren esportazio osoa handitu egin da. Prezioen jaitsieraren ondorioz, ordea, Errusiak diru sarrera gutxiago jasotzen... [+]
Petrolio enpresek erregaiarekiko deskontua baliatu zuten prezioak igotzeko, azterketa batek erakutsi duenez. Litroko 20 zentimoko beherapenetik, kontsumitzaileak 14ren onuradun izan ziren eta 4,7 enpresen esku geratu zen. 1,3 diru-kutxa publikoetara joan zen.
Total Energies multinazional frantsesak eta CNOOC China National Offshore Oil Corporation txinatarrak "karbono bonba" ikaragarria dute xede Afrikako Tanzania eta Uganda herrietan: bertako petrolioa ateratzeko 400 putzu eta horiek esportatzeko 1.443 kilometroko oliobide... [+]
Urteak dira Peak Oil edo Petrolioaren gailurrari buruz hitz egiten ari direla adituak. Oraingoan baina, Arabia Saudiko Mohammed bin Salman printzeak hitzaldi publiko batean adierazi du espero baino lehenago iritsiko dela puntu hori, 2027an.