Petrolio-ontzi ondoratu batek 4.300 tona isuri ditu Itsaso Beltzean, eta beste bat noraezean dabil
Ekaitz-erauntsia emana zegoen eta "hondamendia jazo da", Errusiako Gobernuak jakinarazi duenez. Ukrainak arduragabekeria egotzi dio.
Krimeako Kerch hiritik bost milatara (zortzi kilometro inguru), petrolio-ontzi errusiar bat hondoratzen hasi da igande arratsaldean, ekaitz-erauntsi bortitzari aurre egin ezinda. Hamahiru tripulante onik irtenarazi dituzte larrialdi zerbitzuek, baina beste bat hil egin da. Ezin izan dute, ezta ere, isurketa gelditu; 4.300 tona galipota inguru ari da barreiatzen Itsaso Beltzean agintarien arabera, Kommersant egunkari errusiarrak jaso duenez.
Bigarren petrolio-ontzi baten inguruko informazioak ugari dira. The Guardian egunkari britainiarrak, aipaturiko hedabide errusiarrari erreferentzia eginez, zera dio: bigarren petrolio-ontzi batek ere istripua izan duela, ez dela hondoratzen ari, ez dela ari ezer isurtzen, baina noraezean dela eta ez itxura onean. Aldiz, Espainiako EFE albiste-agentziaren esanetan, azken hori ere hondoratu egin da eta denera 8.000 galipot tona baino gehiago isuri dira Itsaso Beltzean.
Errusia eta Ukraina, parez pare
"Larrialdia" dekretatu du Vladimir Putin Errusiako presidenteak, "hondamendia" jazo dela jakinarazi ondoren, eta esan du isurketen eragina "minimizatzeko neurriak" hartuko dituela. Balizko kalteei buruzko aurreikuspenik ez duela egin leporatu diote Mendebaldeko hedabideek.
Ukrainak, bestalde, arduragabekeria egotzi dio Errusiari. Batetik, "halako ekaitz-erauntsi batekin" ontzia itsasora irteteagatik; eta bestetik, bi itsasontziak 50 urte baino gehiago izanik ez zituztelako nabigatzeko "baldintzak egoki betetzen", Ukrainako Gobernuaren esanetan.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Astelehenean Japoniako mendebaldeko kosta kolpatu duen lurrikararen ondorioz dozenaka pertsona zaurituta eta etxebizitza ugari suntsituta daude. Gutxienez 48 hildako eragin ditu, baina hondakinen azpian harrapatutakoak “lehenbailehen” erreskatatzeko beharra... [+]