PESA, nork galdu du nor?
Askotan galdetu izan diot neure buruari, zertarako joaten ote garen jolas-parkeetara, gurean entretenimendurik onena dugunean, orain prezio erdian, gainera! Baina, tamalez, etorkinek, agureek eta gazteek baino ez dakite ondarea estimatzen.
Gaur bertan, abentura zirraragarria bizi izan dut goizean goiz. 06:30etan igarotzen da Oñatitik Bilbora doan autobusa (hurrengoa 13:00ean da). Ilargi zoragarria, bete-betea; bidaia luzea iragarri dit aurretik. Nirekin batera beste bost lagun Oñatiko Posta geltokian, zain. Jo dute 07:00ak, gu bertan, ilargi beteari so, erlojuari gero, urduri eta sutsu antzean. PESAko ordutegian egiaztatu, behin eta berriz, eta baietz, autobusak orain dela ordu erdi han behar zuela. “Ez da igaroko”, bota du batek. Bere lasaitasun itxurak eta hasperen ernegatuak zera iradoki digu: “Hau ez da lehenengo aldia”. Ostirala da, astearen zamak eta lanera joan beharrak are zirraragarriago bihurtzen du gertaera. Zer egin, nola iritsi helmugara? Autobus geltokiko pantailarantz biratu dut burua, ea oharren bat aurkituko (“ah, ez dago pantailarik, noski!”); tira, goazen PESAko telefonora deitzera, “hara, 07:30 baino lehen ez dago arreta zerbitzurik!”.
Zumarragara doan autobusa igaro da, gidariari galdetu diogu, eta “etorriko da” esan digu, sinesgarritasun zalantzagarriarekin. Hurrengo gidariari galdetu, eta dei egin du: “Bai, matxura bat izan du eta oraintxe etorriko da”. Zain geundenotatik batzuek San Prudentziora egin dute, besteok, ostera, han bertan eutsi diogu itxaronaldiari. Agurtu gaituzte: “Hurrengo autobusa Arrasatetik irteten da, gu hara goaz”, “Zein ordutan?”, “08:00etan”. Hurrengo autobusa Bilbora, ordu eta erdi beranduago!!! Besteok zain gelditu gara. Zain. Zain. Zain. 07:30ak jo dute. Zain. PESAko telefonora berriz. “Autobusak matxura izan du eta 07:00etarako San Prudentziotik igaro da”. Joan egin da... San Prudentzion denok egin dugu topo berriz, 08:00etan Arrasatetik irtengo den autobusa hartzeko itxaropenez. San Prudentzio, jolas-parkearen bigarren geltokia: xarma izugarria duen geltoki iluna, handik igarotzen diren hamarnaka auto-gidarien erakusleiho, zabor tartean giro eta komunera joateko aukerarik gabe. Ordu eta erdi igaro zaigu. Piiiip. Barruan gaude, Bilbora!
Gustatuko litzaidake hau bitxikeria barregarri eta xelebrea baino ez balitz. Zoritxarrez, autobusa aukeratzen dugunok esan genezake hori Debagoienako garraio publikoaren kudeaketa negargarriaren beste adibide bat baino ez dugula. Gipuzkoako bailara honetan autobusa hartzen dutenek ez dute hura hartzeko hautua egiten, beharrak bultzatuta doaz garraio publikoan, gure inguruan bizi diren pobreak dira, autobusa hartu beste aukerarik ez dutenak. Zintzoak izanda, nekez erabakiko luke inork lanera ordu eta erdi beranduago iristea planeta salbatzeko.
Bukatzeko, eta hauteskundeak gertu ditugula kontuan izanda, gogorarazi nahiko nuke mugikortasun jasangarria sustatzea ez dela soilik ekologiaren izenean aurrerapausoak ematea; justizia sozialaren alde egitea ere bada.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]