Pertsona bat atxilotu dute Gasteizen, faxista bati aurre egiteagatik
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.
Joan den apirilaren 28an, faxista bati aurre egin zion pertsona batek Gasteizko San Prudentzion. Auzoan saltzaile-lanetan ari zen Orgullo Cazurro talde faxistako kidea, eta bere aurka jo zuen gazteak: "nazi" deitu eta irmotasunez egin zion kontra.
Leongo futbol-klub nagusiko zale faxistek osatzen dute Orgullo Cazurro. Hain zuzen ere, saltzaile gisa ari zen faxistak talde horren kamiseta zeraman San Prudentzion, aipatutako pertsonak aurre egin zionean. Orgullo Cazurrok debekatuta izan du Leongo estadiora sartzea, bertan egiten dituen keinu eta abesti faxistak direla-eta.
Saltzaile faxistari kontra egin zion pertsonak bideoz grabatu zuen gertatutakoa, eta sare sozialetan argitaratu zuen. Zabalpen handia izan zuen bideoak, eta ikerketa bat abiatu zuen Poliziak, gerora jakin denez.
Gertatutakoa zela-eta, salaketa bat aurkeztu zuen San Prudentzion izan zen faxistak, eta, orain, hari aurre egin zion pertsona atxilotu du Guardia Zibilak. Hainbat komunikabidek asteazkenean eman zuten atxiloketaren berri.
Guardia Zibilak dio seinalatutako faxista "mehatxatu eta umiliatu" zuela atxilotuak, "bere lana egiten ari zen bitartean". Horregatik, "gorroto-delitu bat" egin izana leporatu dio, itxura denez, "motibazio ideologikoa" izan zuela iritzita. Grabatu eta argitaratu zuen bideoa ezabatu egin dute jadanik.
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
Bederatzi lagun epaituko dituzte azaroan, Bilboko Atxuri auzoan Voxen aurka protesta egiteagatik. Gorroto-delitua egozten diete “Voxen hauteskunde-ekitaldi bat oztopatzeagatik”. Fiskaltzak zazpi eta hamalau hilabete arteko espetxe zigorrak eskatzen ditu, eskuin... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.
Larunbaterako 11:00etan jarri dute hitzordua Baionako geltoki aitzinean sindikatuek. Deialdiari juntatu dira beste elkarte, kolektibo zein alderdi zenbait ere, tartean, Cimade edota Alda elkarteak.
Frantziako Estatuan zein Ipar Euskal Herrian RN Batasun Nazionala eskuin muturreko alderdia lehen indar atera izanari erantzuteko manifestazioa egin dute Baionako karriketan gaindi, oihu eta txistu artean.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.
“Argi daukagu eraso horrek konnotazio politiko argiak dituela” adierazi du Ezkerraldea Antifaxista taldeak, asteartean gertatutako erasoaren inguruan.