Pertsona afroamerikar bat erail du Poliziak AEBetan, belaunarekin lepoa estutu ostean
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Poliziak beste pertsona afroamerikar bat erail du Amerikako Estatu Batuetan. Oraingoan, Ohioko Canton herrian izan da hilketa: hainbat polizia-agentek apirilaren 18an hil zuten Frank Tyson izeneko gizonezkoa, baina oraintsu atera da argitara erailketa erakusten duen bideoa. Hiltzaileetako batek polizia-jantzian zeraman kamera batek grabatu zuen gertatutakoa.
Trafiko-istripu batetik ihes egin zuelakoan jazarri zuten Tyson Ohioko poliziek. Taberna batean zegoela, barrura sartu ziren eta lurrera bota zuten, buruz behera. "Ni hiltzen saiatzen ari dira!", oihukatu zuen Tysonek agenteek indarrez heldu eta bota zutenean. Eskuburdinak bizkarrean lotu zizkioten, eta, lurrean zegoela, lepoa estutu zion belaunarekin agenteetako batek.
8 minutu luzez izan zuten lurrean, eta gutxienez minutu erdiz ito zuen polizietako batek belaunarekin, Tysonek "Ezin dut arnastu" hainbatetan esan arren. Bitartean, pasatzen ziren pertsonekin bromak egiten aritu ziren agenteak, eta bere diru-zorroa miatu zuten.
Une batetik aurrera, Tysonek ez zuen erantzuten. Pultsua hartzen saiatzean eta ohartzean ez zeukala, hura nolabait suspertzen saiatu zen Polizia. Aipatutako kamerak jaso duenez, atxilotuak "Ezin dut arnastu" esan eta 5 minutura, polizietako bati galdetu zion ofizial batek ea Tyson "lasaitu" zen. "Hilik dago agian", erantzun zuen agenteak.
Ustez suspertzen saiatu ondoren, ospitalera eraman zuten Tyson. Bertan hil omen zen, hura eraman eta ordubete baino gutxiagora. 53 urte zituen. Oraingoz, hiltzaileetatik bi kendu dituzte euren polizia-postuetatik, behin-behinean behintzat. Gertatutakoa ikertzen ari omen dira.
1.000 hildako baino gehiago
Joan den martxoan atera ziren argitara The Associated Press-ek egindako ikerketa baten emaitzak. Horren arabera, azken hamarkadan, AEBetako Poliziak gutxienez 1.000 pertsona erail ditu horiek azpiratzeko esku-hartzeetan. Erailketa horietan guztietan, "hilgarriak izan nahi ez zuten bitartekoak erabili" zituzten poliziek; The Associated Press-ek modu horretan izendatzen du, esaterako, agenteek atxilotuak buruz behera jartzea lurrean.
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]