“Penko” kolektiboa EAEko hauteskundeetan
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Ofizialki ozta-ozta gehiagok eman du bozka EAEko Legebiltzarra osatzeko azken hauteskundeetan, bai, %52,86ak. Espainiako nazionalitaterik eta hortaz bozka eskubiderik ez duten EAEko herritarrak hautesle erroldara batuz gero –166.695 lagun 2019an–, %48,09koa litzateke parte-hartzea. Gehitu daitezke nazionalitatea izanik ere bozka eskubiderik ez duten migratzaileak, milaka euskal herritar papergabeak, Trebiñu eta Villaverde Turtziozeko biztanleak, berrogeialdian egoteagatik eskubiderik gabe geratu direnak (!?!?), bozka baliogabeak...
Kantitateak beste arduratu beharko gintuzke kalitateak. Eta ez naiz ari bozka nori ematen zaion, baizik eta nondik. Bozkatu duten herritarretatik zenbatek egin dute zerbaiten alde baino, zerbaiten aurka? Zenbatek ezagutzen dute bozkatu duten programa? Zenbatek egin dute izapide burokratiko bat betetzen duenaren izpiritu etsituz, errutinagatik, edo familia politikoari zor zaion fideltasun hutsagatik? Zenbaketa azkarrago egitearren: zenbatek egin du ilusioz, pasioz, hautesle komunitate osoarentzako ona den zer edo zer garrantzitsua erabakitzen denaren ustetan?
Politika esparru publikoari (polis-ari) dagokiona bada, eta pertsonala politikoa bada, dena da politika. Garai oso konplikatuak bizi ditugu, eta are konplikatuagoak datoz. Politika inoiz baino beharrezkoagoa den garaian despolitizazioak eremua irabazten jarraitzen du herritarren artean, eta gero eta bahituagoa dago antipolitika egiten duten erakunde politikoetan. Azken hauteskunde kanpaina eta bere emaitzak horren ondorio eta kausa dira aldi berean.
Penko kolektiboaren aurrean, proposamen eraikitzaileak behar dira. Edo, fruitu berriak eman ditzan ahitutako lurrari su ematen zaion modu berean, legebiltzarra erretzen dugu –txantxa da, polizia-epaile jauna–. Edo tramitea ganoraz bete eta hauteskundeak errepikatzen ditugu 5 batekin bada ere (%50) azterketa gainditu arte –are txantxagoa da, herritar sufrikariokide–. Edo politika egiteko jarrera, espazio, modu eta bitarteko interesgarriagoak sortzen ditugu, nahi bada zaharkituokin elkarbizitzan hasiera batean –ez da txantxa, uneotan badirudien arren–. Bestela, politika deitzen dugun antipolitika gureak marmotaren eguna izaten jarraituko du eta, esaerak dioen bezala, marmoten erreinuan, Urkullu marmota errege.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.
EAJk, EH Bilduk, PSEk eta Voxek legebiltzarkide bana irabazi dute, PPk eta Podemosek bina galdu. Bozetan gora egin duten alderdi bakarrak EH Bildu eta Vox izan dira. Bozka eskubidea duten herritarren %50,31k hartu du parte hauteskundeetan.