Pello Zubiriaren ‘Planeta Prekarioan’ liburua argitaratu du ARGIAk, XXI. mendeko krisi eta erresistentzien kronikak
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta erresistentziak kontatzen dituen lan bat da. Azaroaren 5a bitartean ARGIAko kide egiten direnek etxean jasoko dute opari.
ARGIAk Pello Zubiria Kaminoren Planeta Prekarioan. XXI. mendeko krisi eta erresistentzien kronikak liburua kaleratu du, aldizkariko Net Hurbil sailean 2002an hasi eta 2022ra arte idatzitako ehundaka artikuluen artean egindako hautaketa bat, aktualitateko gaiak eta etorkizuneko auziak jorratzen dituzten planetako kontinente guztietako gertaera, historia, bizipen, datu eta analisiekin.
Azaroaren 2an izango da aurkezpen publikoa, ARGIAren Lasarte-Oriako egoitzan, eta datorren astean egilearekin egindako elkarrizketa zabala argitaratuko du aldizkari honek, paperean eta podcastean.
Zubiriak ibilbide luzea egin du euskal kazetaritzan. ARGIAren lan-taldean 1980ko hamarkada hasieratik jardun da, baita horren inguruan sorturiko proiektuetan ere: Antza inprimategian, Euskaldunon Egunkarian, Ametzagaiña taldean... Ezkerreko ekologismoaren militante, kazetaritza oinarri horretatik egiten saiatu da eta Planeta Prekarioan da horren erakusgarri.
Etorkizunari begiratzen dion liburua
Hautaketa eta edizio lanetan ARGIAko lantalde bat aritu da: "Hau ez da bilduma soil bat. Erredakzioan, kazetariok maiz miretsi izan dugu Pelloren abilezia etorkizuna astindu duten aldaketa tektonikoei aurre hartzen dieten irakurketa zorrotzez jabetzeko. ARGIAko lankideok liburu hau egiten tematu baldin bagara, gaurko eta biharko mundua hobeto ulertzeko balio dezakeela ikusten dugulako da".
“Zubiriak aberats eta boteretsuen indarkeria eta zinismoa ikertzen ditu oro har. Aldi berean, garbi erakusten digu jende xeheei dien enpatia"
Emilio Lopez Adan, Beltza
Liburuak hasieran Petersen proiekzioan oinarrituriko munduko mapa eder bat dakar, Adur Larrea ilustratzaileak egina, eta aitzinsolasa Emilio Lopez Adan Beltza-k idatzi du: “Zubiriak aberats eta boteretsuen indarkeria eta zinismoa ikertzen ditu oro har. Aldi berean, garbi erakusten digu jende xeheei dien enpatia, sufritzen dutena salatzeko edo beraiek sortu iniziatibak gogoratzeko”, dio Beltza-k. Hitz batean esanda, liburu honek ezin hobeto laburbiltzen du ARGIAren kazetaritza egiteko modua.
Egin ARGIAkoa eta jaso etxean
Horrelako lanak idatzi eta argitaratzea ez litzateke posible izango ARGIAko kideen babesik gabe, beren diru-ekarpenari esker egiten baitugu kazetaritza independentea.
Planeta Prekarioan liburua eskuratzeko eskaintza berezia jarri dugu abian azaroaren 5a arte: Epe horretan ARGIAko kide egiten direnek etxean jasoko dute opari, eta lehendik kide direnek 20 euroko prezioan erosi ahal izango dute egun hori arte, azoka@argia.eus helbidera idatzi edo (+34) 943 37 15 45 telefonora deituta.
Gainerakoentzat, ARGIAren Azokan dago salgai.
2022ko ekainaren 7an, Directa-k serie luze bateko lehen polizia infiltratuaren kasua argitaratu zuen. Martxoaren 5ean, Belen Hammad fikziozko izena erreta geratu zen, polizia-argotean dioten bezala. Jada hamar dira Directa, El Salto eta El Diario-k azken hiru urteetan argitara... [+]
USAIDen inguruko txolopotearen ondoren, espero beharrekoa zen. Baina, hala ere, urte askotan haien jarraitzaileak izan garenok, samin-puntu batekin hartu dugu albistea. Martxoaren 15ean, Trump administrazioak, kolpetik, erabat itxi baitu United States Agency for Global Media... [+]
Varsoviako Barrutiko Auzitegiak argudiatu du González jada ez dagoela Polonian, eta ezin dutela jakin noiz aterako den Errusiatik. Auzitegiak ez du kazetari nabarniztarraren aurkako bestelako prodezurarik abian jarriko.
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Karlos Zurutuza (Donostia, 1971), kazetari ezaguna da ARGIAko irakurlearentzat, elkarrizketa eta erreportaje ugari egin baititu aldizkari honetan. Atzerriko gatazka guneetako bizipenak ekarri ohi ditu berarekin: Kurdistan, Balutxistan, Iran... hamaika leku landu ditu, batez ere... [+]
Diario de Noticias de Álava (DNA) egunkariko langileak sinadura greban daude, eta aspaldi ari dira beren lan baldintza “miserableak” eta horiek kazetaritzaren kalitatean duen eragina salatzen. 2013tik soldatak izoztuta dituzte, eta ordutik erosahalmenaren %30... [+]