Pedro Sánchezen gutuna Marokoko erregeari: “Nire bermea duzu Espainiak lagun eta aliatu handi bati dagokion erabateko gardentasunez jokatuko duela”
Espainiako presidenteak gutuna igorri zion Mohamed VI. erregeari martxoaren 18an, Marokok Espainiaren jarrera aldaketa historikoa ezagutzera eman baino lau egun lehenago.
El País egunkariak argitaratu du gutuna. Sarreran, Sánchezek azaltzen dio gutunarekin “zenbait ideia garrantzitsu” helarazi nahi dizkiola, “Espainiako eta Marokoko erreinuen arteko harreman berrietarako”.
“Harreman berri bat”
“Gure helburua harreman berri bat eraikitzea izan behar da”, dio Sánchezek gutunean. “Gardentasunean eta etengabeko komunikazioan, elkarrekiko errespetuan eta bi aldeek sinatutako akordioekiko errespetuan, eta aldebakarreko ekintza ororen abstentzioan oinarrituta, partekatzen dugun guztiaren garrantziaren mailan egoteko eta etorkizunean gure bi herrialdeen arteko krisiak saihesteko”
Marokoren ahalegin “serio eta sinesgarriak”
Sánchezek “Mendebaldeko Sahararen auziak Marokorentzat duen garrantzia” aitortu ez ezik, “Nazio Batuen Erakundearen markoan elkarrekiko onargarria den konponbidea aurkitzeko egiten dituen ahalegin serio eta sinesgarriak” azpimarratzen ditu. Hor kokatzen du Marokok 2007an Sahararentzako egindako autonomia-proposamena. Gogoratu beharra dago sahararrek ez dutela Marokoren proposamena onartzen, eta NBEk autodeterminazio erreferenduma eskatzen duela “deskolonizatu gabe” dagoen lurraldearen gatazkari irtenbidea emateko. Sánchezen irudiko, ordea, “desadostasun” hori ebazteko proposamen “serioena, sinesgarriena eta errealistena” da Marokorena.
“Konpromisoak eta hitza”
PSOEk Espainiako estatu-jarrera historiko bat aldatzea erabaki du aldebakartasunez, Mendebaldeko Saharako ordezkariekin, oposizioko inongo alderdirekin edo gobernukide duen Podemosekin ezer partekatu gabe. Baina Sánchezek Marokoko erregeari ziurtatu dio gutunean “Espainiak” hartutako “konpromisoak eta hitza” beteko dituela: “Testuinguru berri honetan, nire bermea duzu Espainiak lagun eta aliatu handi bati dagokion erabateko gardentasunez jokatuko duela. Ziurtatzen dizuet Espainiak beti beteko dituela bere konpromisoak eta hitza”.
Migrazioaren kudeaketa
Sánchezek bilera bat eskatu dio Mohamed VI.ari “lehenbailehen”, erronka komunei “elkarrekin aurre egiteko”. Eta zehazten du: “Bereziki Mediterraneoan eta Atlantikoan migrazio-fluxuak kudeatzeko lankidetza”.
Hemen El País-ek argitaratutako gutuna:
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.
Espainiako Kanpo Arazoetarako ministroak ukatu egin du Espainia Mendebaldeko Sahararen potentzia administratzailea dela. Baina bada.
Urteetan, Espainiak Sahararen gaian neutrala zela zioen, nahiz eta gezurra izan: partziala zen, oso. Marokoren alde. Palestinako Aginte... [+]
Marokok 2020an ia hiru hamarkadatako su etena hautsi zuenetik, gerra berrabiarazi dute Rabatek eta Mendebaldeko Saharako askapen mugimendu nazionalak. Polisarioa XVI. Kongresua egiten ari da egunotan, eta estrategia berria eztabaidatzen ari dira. Buruzagitzan Brahim Galik... [+]
Azaroko igande eguzkitsu bat da eta Hernaniko Kulturarteko Plaza Feministara joan naiz, erresistentzia istorioen Hariak zinemaldia antolatu dutela eta. Bertan parte hartu du, besteak beste, Loueila Sid Ahmed Ndiaye abokatua sahararrak, zeina Kanaria Uharteetan bizi baita... [+]