Espainiako Gobernuak dio beraiek ere zelatatu dituztela; independentistek “ke gortina” salatu dute
Goizeko 9:30erako prentsaurrekoa deitu du Espainiako Gobernuak. Pedro Sanchez presidentearen eta Margarita Robles Defentsa ministroaren telefono mugikorrak ere Pegasus softwarearen bidez zelatatuak izan direla jakinarazi dute. Kataluniako erreferendumagatik preso zeuzkatenen indultuak prestatzen aritu ziren garaian izan zen. Berehala egin dute salto beren mugikorrak ere zelatatuak izan diren lider independentistek: arreta desbideratzen saiatzeko ke gortina salatu dute.
Moncloak aipatu du Espainiatik kanpoko espioitza kasu gisa ikusten dutela eta salaketa bat jarri duela Audientzia Nazionalean, ziurtzat jotzen baitu legez kontrako jarduerak direla. Hiru eraso aipatu ditu: bi Sanchez presidenteari (2,6 giga eta 130 megako lapurretekin) eta hirugarrena Defentsa ministroari (bederatzi mega informazio). "Ziur gaude kanpoko erasoa dela. Gurea bezalako demokrazia batean erakunde ofizialek baino ez dute esku hartzeko ahalmena, betiere epailearen baimenarekin. Ez dugu zalantzarik kanpoko esku-hartzea dela", esan du presidentzia ministro Felix Bolañosek. Gaineratu duenez, mugikor gehiago ere aztertzen ari dira, ea kutsatu dituzten.
Azaldu dutenez, Pedro Sanchez 2021eko maiatzean zelatatu zuten aurrenekoz, dagoeneko presidente karguan zela, eta urte bereko ekainean Robles.
Zer diote kataluniar eta euskaldun zelatatuek?
Berehala erreakzionatu dute azken asteetan albistearen epizentroan izan diren politikari kataluniar eta euskaldunek.
Carles Puigdemonten hitzak, esan ostean albiste hau ere oso larria dela: "Nire elkartasuna beraiekin, biktima gisa, eta nire eskakizun gorena haienganako, CatalanGate lehertu arte ezer egin ez izanaren arduradun gisa".
Junts-eko Laura Borràs: "Sanchez eta Roblesek diote espiatu dituztela. Orain gai larria da, ez independentismoari soilik eragiten zionean bezala, ministroak justifikatu ere egiten zuen. Horratx froga ez dagoela zertan estolderia garbitu, erabil baditzakezu? Edo borrero izatetik biktima izatera igarotzeko operazioa da? Agur CatalanGate? Ez dugu irensten".
ERCko Oriol Junqueras: "Agerikoa da Espainiako estatuak espioitza masiboa eta legez kanpokoa egin duela mugimendu independentistaren aurka. Horregatik, eta balizko koartadetatik urrun, erantzukizun politikoak eskatzen ditugu".
ERCko Marta Rovira: "Moncloak dio Moncloak duen Pegasusekin Moncloa zelatatu duela Moncloak. Orain, erantzukizun politikoak EZ ditu Moncloak hartuko".
CUPeko Albert Botran: "Kezko gortina borreroak biktima bihurtzeko? Arreta atzerrira bideratzea? Edo CNI bera Espainiako batasunaren alde zelatatzen?".
EH Bilduko Jon Iñarrituk: "Duela hilabeteetatik bazekiten eta orain esan badute, ados egongo gara ke gortina dela, ezta?".
Gonzalo Boye abokatua: "CatalanGate kasua agerian jartzen ari da gertatutakoaren larritasuna eta Espainiako estatu sakona delakoaren boterea. Dirudienez, Gobernuak ez du botere horren gaineko kontrolik".
Omniumen eta CUPen kereilak
Asteburuan jakin da Omnium elkarteak kereila aurkeztu duela CatalanGate espioitza kasuagatik, eta Europako Ikerketa Agindu bat eskatuko duela Pegasusekin espioitza nork agindu zuen eta zenbat kostatu zen ikertzeko. CUP alderdiak ere beste kereila bat aurkeztu du.
Nafarroa eta Ezkio-Itsaso lotuko lituzkeen alternatibak Aralar barnean 22 kilometroko tunel bat zulatzea suposatuko luke, eta 1.300 milioi euroko kostua izango luke. Lotura hau igaroko litzatekeen herri ugarietako udalek nahiz bizilagunek, ordea, lanei ekiteko eduki beharreko... [+]
Junts eta ERC abstenitu egin dira bozketan eta popularrek aurkezturiko ez-legezko proposamena aurrera atera da, PP, Vox eta UPNren botoekin. 2027 eta 2035 urteen artean ixtea aurreikusten diren Espainiako Estatuko zazpi zentral nuklearren bizitza erabilgarria handitzea ekarriko... [+]
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Ostegun honetan lau indar politiko horiek ezezkoa eman zioten enpresa energetiko handiei behin-behinean jarritako zerga luzatzeari. Ukrainako gerraren ondoren energiaren multinazionalek izandako irabazi handiei jarri zien zerga berezia Espainiako Gobernuak.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
“Etsaien nagusitasunaren eguna” Euskal Herriko langileriarentzat “borroka eguna" izatea eskatu du Jarkik. Borrokatzera eta kalera ateratzera animatu dituzte herritarrak, “burgesiaren interes eta jabetza erregimenaren” aurrean.
Uholdeek hartu duten zonaldea "katastrofiko" izendatuko du Valentziako Generalitateak, eta 31.400 milioi euroko laguntza eskatu dio Espainiako Gobernuari, tanta hotzak eragindako kalteak konpontzeko. Pedro Sánchez presidenteak astearte eguerdiko agerraldian... [+]
