Pedro Sanchezek deskonfinamenduaren nondik norakoak jakinarazi ditu
Espainiako Estatuko, eta beraz, Hego Euskal Herriko deskonfinamendu neurriak jakinarazi ditu Pedro Sanchez Espainiako Estatuko presidenteak astearte arratsaldean. Prozesuak sei aste iraungo ditu eta lau fasetan banatuta egongo da. Bakoitzak bi asteko iraupena izango du. "Ekain amaieran normaltasun berria" izan nahi du Espainiako Estatu osoan. Fase bakoitzaren neurri orokorrak jakinarazi ditu Sanchezek. Alarma egoera beste bi astez luzatzeko eskatu du.
Nola izango da deseskalada? "Graduala, asimetrikoa eta koordinatua", esanez hasi da. Jarduera eta mugikortasun soziala fase ezberdinetan banatu dituzte. "Probintziak izango dira unitateak, eta probintzien artean ezingo da mugitu". Hau da, Araba, Bizkaia, Gipuzkoa eta Nafarroan, lurralde bakoitzaren barruan mugitzeko baimena egongo da, baina ezingo da batetik bestera ibili.
Lurralde bakoitza "normaltasun berrira heltzen denean" emango dute batetik bestera mugitzeko aukera.
Lau fase banatu ditu Espainiako Gobernuak:
Zero fasea, maiatzaren 4tik aurrera: Trantsizioaren prestaketa, gaur egungo egoera. Haurrak atera ahal izatea erabaki berri zuten eta maiatzaren 2an herritarrak atera ahal izango dira jarduera fisikoa egiteko, eta zenbait jarduera ekonomiko ere baimenduko dituzte: jatetxe edo tabernak lan egin ahal izango dute jendeari jana emanez etxera eramateko. Horren ostean hiru fase bereizi ditu Espainiako Gobernuak eta hasiera batean fase bakoitza bi astekoa izango da gutxienez, lurralde bakoitzean:
Lehen fasea, hasiera batean maiatzaren 11tik aurrera: zenbait jarduera abiatzea baimenduko dute, adibidez, komertzio txikiak. Zentro komertzialak ezingo dira ireki. Terrazak edo ostalaritzan, hotel edo alojamentu turistikoak irekitzeko baimena emango dute, espazio komunak salbuespen hartuta. Lokalak irekitzean ordutegien mugak egongo dira. Otoitzerako guneak ireki ahal izango dira aforoa neurtuta. Garraio publikoan maskarila "bereziki gomendua" izango da.
Bigarren fasea, hasiera batean bi astera: lortuz gero jarritako helburuak, ostalaritzako lokal barruetan irekitzeko baimena emango zaie, %30eko aforoarekin. Ikasturtea irailean hasiko da. Ehiza eta arrantza baimenduko dituzte, zinema eta antzokiak ere irekiko dira %30eko aforoarekin, eserlekuak aurrez finkatuta; 50 pertsonatik beherako ekitaldi kulturalak eta aire librekoak baimenduko dituzte 400etik behera, beti ere eserita bada.
Hirugarren fasea, hasiera batean bi astera: Hau izango da fase aurreratua. Lokal komertzialak aforoaren erdiarekin eta pertsonen arteko bi metroko espazioa errespetatu beharko da. Mugikortasun neurriak malgutuko dituzte. Hondartzak fase honetan irekiko dituzte.
Bi astean behin azterketa
Espainiako Osasun Ministerioak zehaztuko ditu baldintzak eta egunotan jakinaraziko dituzte. Bi astean behin neurtuko dute lurralde bakoitzaren ebaluazioa eta erabakiko dute ea probintzia bakoitza hurrengo fasera pasako den. Bi aste luzatuko da fase bakoitza eta ekain amaierarako "normaltasun berria" izan nahi du Sanchezek.
Hurrengo maiatzaren 4an lehen fasean sartuko dira lurralde guztiak. Kanariar Uharteetako eta Balear Uharteetako irla batzuk aurretik joango dira. Irteerak ordenatzeko zenbait ordutegi banatzea ikertzen ari direla adierazi du, Nacio Digitaleko kazetari baten galderari erantzunez.
Krisi hau ez dutela betikoek ordainduko adierazi izan duela gogorarazi dio kazetari batek eta ea hori zertan zehaztuko den galdetu dio. Sanchezek esan du lehendik ere zenbait zerga berri prestatzen ari zirela, baina galderari iskin egin dio.
Hildakoak izan ditu gogoan bere lehen hitzetan. "Gizarte bezala zor bikoitza dugu beraiekin", adierazi du. Neurri hauek zehazteko orduan, beste zenbait herrialdetako esperientziak kontutan hartu dituztela esan du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]