“Beharra bertute bihurtzea da tokatzen dena”
Amnistia legea eta "bizikidetza" politikak defendatu ditu Pedro Sánchezek Espainiako Gobernuko presidente izendatzeko saioan, Espainiako Kongresuan. Amnistia "Espainiaren interesen izenean" emango dela azaldu du: aurreko legegintzaldiko "bizikidetza eta aurrerabide" politikei jarraipena emateko, eta Katalunian "2017an irekitako haustura" sendatzeko.
Ordu eta ia hiru laurdenez aritu da hizketan PSOEko hautagaia, baina azken ordu erdira arte ez dio heldu lurraldetasunaren eta amnistiaren auziari. Onartu du estatuko zenbait lurraldetan "herritar askok" independentzia nahi dutela, "zilegi" jo duena, baina azaldu du PSOEk "Espainia batu batean hobeto" egongo direla sinesten duela.
PP eta PSOEren arteko aldea
Lurraldetasunaren auziari heltzeko, PPk eta PSOEk lituzketen moduak kontrajarri ditu Sánchezek, eskuinak "haustura" eta PSOEk "batasuna" lehenesten dituztela ziurtatzeko. Kataluniako prozesu independentista gogoan, PPrekin Espainiak "historiako lurraldetasun krisirik handiena" bizi izan zuela adierazi du, hainbat lurraldetan "konstituzioaren haustura" gertatu zela, eta, aldiz, PSOE-Podemos gobernu koalizioarekin konstituzioa "lurralde guztietan bete" dela. Kataluniako kaleetara "bizikidetza" eta instituzioetara "elkarrizketa" itzuli direla ziurtatu du, hori "oso zaila" izanik ere. "Zer dute nahiago herritarrek, 2017ko Katalunia edo 2023koa?" galdetu du, egun nagusi den "bake soziala" goraipatuz.
Espainiaren interesak
"Espainiaren eta bere interesen izenean emango dugu amnistia, eta espainiarren arteko adiskidetasunarenean", azaldu du Sánchezek. Amnistia Kataluniako herritarren gehiengoak "eskatzen" duen neurria dela ziurtatu du, onartuz, aldi berean, Espainian "herritar asko" daudela kontra. Herritar horiei "errespetua" adierazi die, ondokoa zehaztuz: "Baldintzak direnak dira, eta beharrezkotasuna bertute bihurtzea da tokatzen dena".
Amnistia emateko bi arrazoi nagusi eman ditu Sánchezek jarraian. Bata, aurreko legegintzaldiko PSOE-Podemos gobernu koalizioaren "bizikidetzaren eta aurrerabidearen ildoa" jorratzen jarraitzeko beharra. Salatu du eskuinaren "eta bera babesten duten botere ekonomikoen" ardura ez dela amnistia, baizik eta eredu soziala: "Horregatik ez dute gobernatzen utzi nahi". Bigarren arrazoia litzateke amnistiak "2017an irekitako haustura osatzen lagundu" dezakeela. Independentistei "Espainia beraientzat ere herrialde ona" dela adierazteko modu bat litzateke.
Legezkoa eta gardena
"Proposatu dugun amnistia guztiz legala da, Konstituzioarekin bat egiten du", ziurtatu du presidentetzarako hautagaiak. "Gehiengoaren babesarekin onartuko da. Ez da 78ko Konstituzioaren aurkako eraso bat izango". Gogoratu du Europan Frantziak, Alemaniak edo Portugalek eman dituztela amnistiak aurretik, eta PPri gogorarazi dio "egun bakarrean 1.400 indultu" eman zituela edo "terrorismoagatik kondenatutako Terra Lliureko kideak" amnistiatu zituela, gobernatzeko abertzaleen botoen beharra izan zutenean. "Ardura minimo bat" eskatu dio PPri, eta "Voxen trumpismoa" jarraitzeari utzi diezaiola.
EH Bildu eta EAJ
Sanchezek bere mintzaldia amaituta etena egin da saioan. Etenaldian alderdiek PSOEko hautagaiak esandakoa baloratu dute. EH Bilduko bozeramaile Mertxe Aizpuruk adierazi du "Euskal herritarren eskubide eta askatasunen alde egiteko aukera historikoa" dagoela, eta bere alderdiaren baiezko botoa berretsi du, "arduraz" jokatuko dutela azalduta. Sánchezek iragarri dituen "aurrerabide sozialak" babestuko ditu EH Bilduk, baina aldi berean aldarrikatu du "plurinazionaltasunaren legealdia" izan beharko duela honakoak.
EAJtik, Aitor Estebanek azaldu du Sánchezek iragarritako hainbat proposamenek erkidegoen eskumenei eragin diezaieketela: "Akats bat litzateke beharrezko dituen bazkideen agendarekin talka egiten duten gaiak jorratzea". Norabide berean, "etorkizuneko autogobernua" aipatu ez izana kritikatu du ere. Edonola dela, adierazi du gobernu bat osatzeko aukera duen bakarra dela Sanchez.
Bozkaketa bihar
Arratsaldean gainerako alderdiak hasiko dira hitza hartzen, PPko Alberto Nuñez Feijotik hasita. Presidente berria izendatzeko saioa bi egunez luzatuko da, eta ostegunean egingo da, ezusteko handirik ezean, Sánchez presidente izendatuko duen bozketa.
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
"Joko garbia" eskatu du Espainiako Gobernuko presidenteak, eta "hausnartzeko" deia egin: "Munduari erakutsiko diogu nola defendatzen den demokrazia". Ulertzera eman du "indartsuago" itzuliko dela.