Pediatrarik gabe lau hilabete daramatza Gasteizko Alde Zaharra eta Errota auzoetako Osasun Zentroak
22.051 herritarrei ematen die arreta osasun zentroak. Berez bi pediatra ditu zentroak, baina 2021etik bakarra dago lanean. Irailean hartu du baja bakar horrek, ez dago ordezkorik aurreikusia, eta egoera asko luzatu daiteke. Arabak dituen 43 pediatra plazetatik hamar bete gabe zeudela salatu zuen 2023ko apirilean Arabako Umeen Osasun Publikoa Aurrera plataformak.
Alde Zaharreko Osasun Zentroaren gabeziak urrunetik datoz. Hainbat gurasok ARGIAri azaldu diotenaren arabera, zentroak bi pediatra ditu esleituta, bata goizez eta bestea arratsaldez, baina 2016tik behintzat errealitatea bestelakoa da. 2016an bi pediatra ari ziren lanean, baina biak jardunaldi murriztuan, eta Osakidetzak ez zituen ordezkatu bete gabe zeuden orduak. 2021ean arratsaldeko pediatra beste zentro batera lekualdatu zen, eta ordutik bere plaza bete dago. Olagibeleko osasun zentrora desbideratu zuten bere kupoa. Bi urte baino gehiago dira, beraz, pediatra bakarra dagoela Alde Zaharreko zentroan, eta herritarrek goizez soilik dutela zerbitzua. Eta gazteleraz halabeharrez, pediatra ez baita euskalduna.
Egoera are gehiago larriagotu da berriki, irailean baja hartu baitzuen geratzen zen pediatra bakarrak, eta Osakidetzak ez du ordezkorik jarri. Ordutik, Olagibel, Aranbizkarra I eta Aranbizkarra II zentroetara bideratzen ditu haurrak Osakidetzak.
Egoerak oso luze jo dezake
Aurreko informazioa baieztatu dio LAB Osakidetzak ARGIAri. Zehaztu du erizaina badagoela, txertoez edo errebisioez arduratzen dena, baina ez pediatrarik. Gaineratu du zentroan zalantza dutela pediatra bueltatuko ote den, baja luze doalako eta nagusia delako. Are gehiago, litekeena dela lanera bueltatu gabe erretiroa hartzea, eta hori gertatzekotan oso luze jarraitu dezakeela osasun zentroak pediatria zerbitzurik gabe, “ez dagoelako pediatrarik”.
Gasteizko Alde Zaharreko Osasun Zentroak bi auzori ematen die arreta, Alde Zaharra eta Errota. Gasteizko Udalak 2024ko urtarrilaren 1ean emandako datuen arabera, Errotan 12.827 herritar daude erroldatuta, eta Alde Zaharrean 9.224: orotara, 22.051. LAB Osakidetzatik azaldu dute pediatria zerbitzuari begira zentro “konplikatua” dela Alde Zaharrekoa, haur asko dagoelako eta patologiak ugariak direlako, besteak beste pobreziari loturikoak.
Gabezia larriak eta orokorrak
2016an ELA sindikatuak salatu zuen Arabako pediatria zerbitzua “kolapsatuta” zegoela, "Osakidetzaren utzikeria dela-eta". Zazpi urte beranduago, 2023ko apirilean, Arabako Umeen Osasun Publikoa Aurrera plataforma izan zen zerbitzuaren “egoera larria” salatu zuena agerraldi jendetsu batean hainbat gabezia zerrendatuz, besteak beste: “Administrazioarekin harremanetan jartzeko ezintasuna, itxaron zerrenda luzeak, aurrez aurreko arreta jasotzeko zailtasuna, protokolo komunik eza, denbora gutxi gaixoekin, arreta euskaraz jasotzeko ezintasuna edo zailtasuna”. Plataformak ondorengo datua ere eman zuen: Arabako 43 pediatria plazetatik hamar bate gabe zeuden, "ia %25".
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Osakidetzako administraria eta ZIU mugikorreko medikua dira Sara Ruilope eta Uruko Blanco, hurrenez hurren. Osakidetzako Larrialdi Zerbitzuen egoeraren inguruan hausnartu dute Aiaraldea Komunikabidearekin.
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.