Patrick Larrondo, Biriatun baratzezain: “Galdea bozka paperarekin adierazten bada, bai laborantxa atxikiko da hemen”
Patrick Larrondo Biriatun ari da baratzezain, autopistaren eta etxebizitzen artean. Duela zazpi urte hasia, hurbileko salmenta egiten du, Hendaiako bi azokatan eta herri horretako AMAP batean. Lurraren espekulazioa da eskualde honetako nekazaritzaren arazo gogorrenetako bat, nahiz eta bertako biztanleek hurbileko eta kalitatezko produktuak eskaten dituzten.
Etxaldea presentatzen ahal daukuzu?
Baratzekiak ekoizten ditut Biriatun, negutegietan eta kanpoan. Ene lagunaren familiako etxaldea da. Sasoineko 20-25 baratzeki ekoizten ditut, 1800 m2 negutegietan eta 7000 m2 kanpoan. Zuzenki saltzen baitut eta eremu guti baitut, balore gehien emaiten duten baratzekiak ekoizten ditut: udan tomate, biper, fruitu; neguan, espinaka, bleta, aza, azalore, arbitxo, arbi goiztiarra, eta urte guzian 5-6 entselada mota. Klienteek tokiko laborantxako ekoizpenak maite dituzte bainan aniztasuna ere galdegiten dute. Mahai pollit baten osatzeko gisa ekoizten dut.
Ez zinuen baitezpada pentsatua egun batez laborari instalatuko zinela...
Ez batere. Familiako lurrak baziren eta laborantxarendako atxiki nahi ginituen. Bi gira hortarik bizi hemen. Ni Donibane Garazin ari nintzan lanean, Garazikus elkartean. Hemen bizitzeko hautua egina ginuen eta egun guziz 140 kilometra egiten nituen. Lagunak banituen baratzezaingoan instalatuak, horiekin mintzatu eta merkatuen itzulia egin ondoan, nituen eremuekin zerbaiten egiteko manera bazela ohartu nintzan. Hola hasi gira polliki. Biharko Lurraren Elkartearen bidez, elgarren laguntza atxemaiten dugu, kontseiluak.
Ingurukoekin esperientziak trukatuz aintzinatzen gira. Merkatua etxetik biziki hurbil duzu...
Bai gehienez laurden bat emaiten dut merkaturat ailegatzeko. Hendaian saltzen dut, plaiako merkatuan larunbat goizetan eta karrikakoan astezkenetan. Abantail izigarria da. Horregatik, ez dut etxetik saltzen. Hunarat hurbiltzen den jendeari erraiten diot astean bi aldiz merkatuan nizala. Hendaiako AMAPa xerbitxatzen dut ere. Bi saltze mota horiek atxiki nahi ditut, bi harreman mota dira eta biak maite ditut. Abantaila balin bada, kostan izaiteak beste nekezia badu : lurra kario da, eta xuhur. Haunditzeko nahia banu ere, neke litaike.
Duzun eremuarekin, galdeari ihardesten ahal dakozu?
Orai hasten niz esperantxa hartzen. Badu 7 urte instalatua nizala. Gibeltasun pixka bat badut, lurra hobekiago eramaiten dut, badakit zer gauza martxarazi nahi dutan, zertan ez nizan emendatuko. Aniztasun hortan entseatzen niz egin ahala hautu emaitea, merkatu eta AMAPak segurtatzeko. Instalatu bezain fite, Hendaiako kantinaren galdea ukan nuen. Beldur nintzan, eza eman nuen. Orain ere, errefusatzen dut, hainbeste baita eta ez niz kapable dena hornitzeko. Hor ageri da tokiko ekoizpenen galdea badela hurbileko kantinetan.
Biologikoan izaitea hautatu duzu hatsarretik; merkatuak hala galdegiten duelako?
Merkatuak hala galdegiten baitu. Diferentzia markatzeko, hemen beste bi laborari baitira. Eta ere, pozoinik ez bainuen ez erabili, ez atxiki nahi etxean. Haurrak baditut, familia, ez nuen holako produkturik nahi. Ikusi dut ere posible zela gabe aritzea. Merkatuan izanez, astean bi aldiz biltzen ditut baratzekiak eta hobe nuen ezarri gabe aritzea hatsarretik eta alde hori baloratzea.
Zure etxaldea ikusten delarik, zinez etxez inguratua da. Kohabitazioa nola pasatzen da?
Untsa. Ez dut batere problemarik auzoekin. Ez niz etxez inguratua senditzen. Baionarat joan niz, beste baratzezain batzuren etxerat eta hor ikusi dut heiek zinez etxez inguratuak direla. Egia barnekaldetik so egin eta etxez inguratua iduri dutala. Egia ere batzutan pixka bat bakarrik senditzen nizala baratzean. Horregatik inportanta da BLE-n edo sindikatuan izaitea, laguntzen du bere burua ez bakarrik senditzeko.
Lurraren problematika bizia da hemen. Lurrak hain kario saltzen ikusteak min egiten dauzu?
Bai min egiten du bainan usatzen gira eta hori pena da. Min egiten du ikustea jendea ez dela ohartzen lurraren inportantziaz. Hemen lurra ez da gehiago lan tresna baizik eta eskupean atxikitzen den kapitala.
Bada esperantza bide horren bihurtzeko ala laborantxa galdua da hemen bezalako eremuetan?
Ez dakit. Batzutan pentsatzen dut “agian orai ohartuko dira; herriek lurrak proposatuko dizkiete gazteeri instalatzeko”. Eta batzutan diot: “Ene bidea segituko dut eta ageriko zer gertatuko den; lan tresna ene haurreri uztea entseatuko niz eta segituko dute ala ez”.
Azken bi urteak dorpeak izan dira baratzezainendako. Nola atera zira?
Azken bi urteak zinez zailak izan dira. Negu luzeak, euri ainitz, hotza... Ez dira sasoin errexak bainan aintzina segitzea entseatzen gira. Saskiak hartzen dituzten jendeek egoea konprenitzen dute, holakoetan saskiak ttipitzen edo gelditzen ditut. Merkatua aldiz segitzen dut, dituztan gauzekin, hutsegin dutan produkzio bat beste batekin salbatzea entseatzen niz.
Ikusten da baratzeki galdea badela hemen, laborarien instalatzeko manera balitaike: hiri inguruetan laborantxak etorkizuna baluke?
Herriek erainkuntzan hola segitzen badute, ez niz baikor izanen. Aldiz herriko etxeetan lurraren inportantziaz eta jendeari tokiko eta kalitatezko janaria eskaini behar zaiela ohartzen badira, berdin geroa ona izaiten ahal da. Galdea klienten edo kantinetako burrasoetatik heldu bada eta bozka paperrarekin adierazten balin bada, bai laborarantxa atxikitzen ahalko da bere eremuetan.
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]