Partidua 21-05 galtzen ari direla salatu dute Nafarroako abeltzainek
Asteazken honetan egin dute bilkura Nafarroako Gobernuko Landa Garapenerako Sailaren aurrean, kostuak etengabe gora doazela eta, aldiz, salmentaren prezioak izoztuta daudela salatzeko.
Pilota partidu bateko emaitzarekin irudikatu nahi izan dute egoera, aurtengoan nola galtzen ari diren irudikatzeko: 21-5. Animaliak elikatzeko pentsuen kostuak %25 igo dela adierazi dute EHNE sindikatutik, energia ere gora doala, eta salmenta marjina etengabe behera: “Nekazaritza, Arrantza eta Elikadura Ministerioaren arabera, azken bost urteetan bataz beste, gizendutako 100 kilo haragi txahal bakoitzeko marjina 104 eurotik 60 eurora jaitsi omen da”.
Pandemian elikagaien kontsumoak gora egin zuen eta, abeltzainek adierazi dutenez, erosketa-saskia duela hamabost urte baino %40 garestiagoa da, baina hori ez da haien diru sarreretan islatu. Kexu dira, pandemiaren hasieran haien sektorea funtsezkotzat jo zelako eta orain “berriz ere ederki estutu” dituztelako, “askotan kostu-prezioaren azpitik saltzera behartuz”.
Kexu dira, halaber, elikagaien kateari begira haiek direlako kaltetuen eta hark “bizirautea baino zerbait gehiago” eskaini beharko liekeelako, horrela lan aukera erakargarria bihurtuz eta “landa ingurura jendea ekarriko duen etorkizuna bermatuz”.
Nafarroako Gobernuari egoera hori iraultzeko esku-hartzeko eskatu diote, behar diren baliabideak jarriz. Ustiategi asko gaur egun diru-laguntzetatik bizi direla aipatu dute, baina “menpekotasun egoera hori” ez dutela gustuko.
Kezka ere erakutsi dute, egungo egoera aldatu ezean ustiategi txiki askok itxi egin beharko dutelako eta haien lekua eredu industrialak hartuko duelako, “eta badakigu horrek zer ondorio dakartzan landa eremuetan”.
Kontsumitzaileen konplizitatea ere eskatu dute, bereziki haragiaren aurkako kanpaina bidegabeak jasaten ari direnean: “Asko jatea baino, haragi ona jatea garrantzitsuagoa dela uste dugu”.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Ostegunean prentsaurrekoa egin dute antolatzaileek Maiatzaren 3an Bizkaia Arena-BEC!en egingo den ekitaldiaren xehetasun gehiago aurkezteko. Ikuskizuna euskal herrian ezagunak diren hogei pertsona baino gehiagok parte hartuko dute eta 14.000 ikuslerentzat izango da.
Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia,... [+]
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
_Glaciar.png)
Desagertzeko arriskuan dauden izotz-masak dokumentatzen dituen nazioarteko erregistro batek Pirinioetako Monte Perdido sartu du zerrendan.
Josu Jon Imazen konpainiak helegitea jarri du Eusko Jaurlaritzaren aurrean, Endesari “iruzurra” egitea egotzita. Adarra eta Mandoegi mendien artean 15 aerosorgailu, 28 kilometroko bidea eta 21 kilometroko linea-elektrikoa eraiki nahi ditu Repsolek, Euskal Herriko... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]
Euskorpora elkartearen aurkezpen ekitaldi jendetsua izan da asteazkenean Donostian, eta Euskorpus izeneko egitasmoaren berri eman dute bertan. Euskorpus euskarazko hizkuntza baliabide digitalen banku bat izango da, eta 5 milioi pasa inbertituko ditu Eusko Jaurlaritzak bertan.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Konfiantza eta gertutasuna" oinarri izango duen Udaltzaingo eredua nahi dute Zumaia, Getaria eta Azpeitiko udalek. Horretarako, udalerri horiek ondo ezagutuko dituzten bost udaltzain kontratatuko dituzte elkarrekin eta hautagaiei B2 euskara maila ere eskatuko diete.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.