2.000 bat lagunek hartu zuten parte joan den uztailaren 23an Bake Bideak deituriko blokeatzeetan, Jakes Esnal eta Jon Paroten baldintzapeko askatasuna aldarri. Positiboki baloratu dute lortutako parte-hartzea eta oihartzuna, eta hurrengo hitzorduari begira jarri dira: irailaren 22an erabakiko du Frantziako justiziak bi euskal presoen egoera.
Hamabost blokeatze puntu izan zituzten jomuga larunbateko desobedientzia ekintzetan parte hartu zutenek. Guztira, 26 atxilotu eragin dituzte mobilizazioek: batzuek prokuradorearen ordezkoaren aurrean deklaratu beharko dute, beste batzuek Baionako Zigor Auzitegian, eta beste hainbatek Akizeko Zigor Auzitegian. Frantziako justiziak Bake Bidearen aurkako neurriak ere har litzake.
Debekatuta egon arren aurrera ateratako blokeatzeen arrakasta nabarmendu dute Bakegileek, baina irailaren 22ra begira daude jada: orduan erabakiko du Frantziako justiziak ea baldintzapean aske geratuko diren Esnal eta Parot. Orain arte, behin eta berriz ukatu diete eskaera; 32 urte daramatzate preso Frantzian.
Euskal Herritik emandako abisua
“In crescendo ari gara, eta irailaren 22an ez bada entzun Euskal Herritik eman den abisua, emango dugun erantzuna are handiagoa eta intentsitatea handiagokoa izango da”, iragarri du Anaiz Funosa Bake Bideako kideak, Naiz irratian.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.