“Parke eolikoen kokapena erabakitzea herrien esku egon beharko luke”
Energia Berriztagarrien Lurralde Plan Sektorialak gune eolikoak sortzeko proposatu dituen eremuen artean daude Mutrikuko, Berriatuko eta Markina-Xemeingo eremuak.
Maiatzaren 10ean EAEko Euskal Herriko Agintaritzaren Aldizkarian argitaratu ondoren, Energia Berriztagarrien Lurralde Plan Sektorialari onespena eman dio Eusko Jaurlaritzak. 57 udalerritako mendiguneak aukeratu dituzte zentral eolikoak ezartzeko, eta tartean dira Mutriku, Berriatua, Markina-Xemein, Muxika eta Morgako guneak. Alegazioak egiteko 45 eguneko epea zabaldu dute.
Mutrikuren kasuan, Arno ondoko eremua aukeratu dute, Berriatuarekin muga egiten duena. Mutriku Natur Taldetik guneen aukeraketaren erabakia herritarren esku geratzeko beharra azpimarratu dute: “Ingurumen aldetik gune oso baliotsuak daude zerrenda horretan. Uste dugu gune baliotsuenak babestu egin behar ditugula. Eolikoak jarri behar direla onartzen dugu, baina non jarri erabakitzea herrien esku egotea beharrezkoa da”.
Mutriku Natur Taldea: “Natur talde bezala gizarteari egia esatea da eskatzen duguna. Energia bukatzen ari da eta egun daramagun kontsumoa sostengaezina da”
Hala ere, amankomunean egin beharreko lanketa bat dela azpimarratu dute, legedia begiratu eta gainontzeko herriekin batera landu beharreko prozesua: “Mutrikukoa ez dugu kasu isolatu bat bezala landu behar, EAEko gainontzeko herriekin batera landu behar den zerbait da”. Biodibertsitatea denona izanik, ikuspuntu orokor batetik erabakiak hartzearen beharra jarri dute erdigunean. Bestela, ondorioak herri txikienek jasango dituztela diote: “5.000 biztanle gara Mutrikun, osoko bilkuran mozioa sartuko dugu udalari defentsa juridikorako diru poltsa bat sortzeko eskatuz. Guk gure arazoak konpondu ahalko ditugu, baina Arabako 100 biztanleko herri txiki batek jasango ditu ondorioak”.
Energia berriztagarria. Parke eolikoak sortzeko beharraren atzean dagoena azaleratu eta kontzientzia sortzearen beharra azpimarratu dute taldetik: “Natur talde bezala gizarteari egia esatea da eskatzen duguna. Energia bukatzen ari da eta egun daramagun kontsumoa sostengaezina da. Urte luzez pilatzen joan den energia 60 urtean gastatu nahi dugu, eta amaitzen denean zer?”. Bizimodu aldaketa behartu baten aurrean egonik, hiru puntu azpimarratu dituzte: kontsumoa murriztea, herriko sareetan produzitzea eta eremuak non egin erabakitzeko aukera. “Petrolioa ez da bukatuko egun batetik bestera, baina ez da izango errentagarria ateratzea. Ateratzen dana ondo erabiltzea izango da gakoa, lehentasunak ezarri behar dira. Irtenbidea badago, elkarlanez aurrera egiterik badago.”
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]