Bake prozesua desblokeatzeko saioa Parisko Asanblea Nazionalean
Parisko Bake Konferentzia hasi da Frantziako Asanblea Nazionaleko Victor Hugo aretoan. Goiz osoan zehar hainbat ekitaldi izango dira bertan euskal gatazka aztertu eta berau era ordenatuan bukatzeko eskatzeko.
Bake Bidean elkartea da konferentziaren antolatzailea, baina Frantziako eta nazioarte mailako erakunde garrantzitsuak ditu laguntzaile zeregin horretan, besteak beste, Frantziako Giza Eskubideen aldeko Liga (LDH), Harremanetarako Nazioarteko Taldea (NTD) eta Euskal Herriko bakearen aldeko Foro Soziala.
Eskuin muturra izan ezik, Frantziako alderdien esparru osoa ordezkatua dago Bake Konferentzian eta nazioarteko pertsona ezagun ugari ari dira parte-hartzen bertan, besteak beste Bertie Ahern Irlandako lehen ministro ohia, Brian Currin bitartekari hegoafrikarra, Michel Tubiana LDHko ohorezko lehendakaria, Gerry Kelly (Sinn Fein) edo Interpoleko idazkari nagusi ohi Raymond Kendall.
Goizeko 9:30ean hasi den ekitaldian Euskal Herriko bake prozesuaren jatorria eta azterketa egingo dute Pierre Joxe Frantziako Barne Ministro ohiak abiarazitako aurkezpenarekin. Ondoren, 10:15ean biktimek bake prozesuetan duten lekua jorratuko dute Pierre Hazan (NTD) Brandon Hamber (Hegoafrika), Roberto Manrique 1987ko Hipercorreko atentatuan zauritua izan zenak eta Axun Lasa GALek bahitu, torturatu eta hildako Joxean Lasaren arrebak.
11:00etako hitzaldian presoek bake prozesuetan duten rola aztertuko dute Raymon Kendal, Gerry Kelly preso ohi, Gabi Mouesca IK-ko euskal preso ohi eta Brian Currinek.
Itxiera ekitaldia 12:30ean egingo du Bertie Ahern Irlandako lehen ministro ohiak. Ez zaie eskaera zehatzik egingo Espainia eta Frantziako Gobernuei, ezta ETAri ere, baina konferentziak eskatuko du urratsak eman daitezen euskal bake prozesuan, bereziki armagabetzea eta presoen gaietan. 2011ko urrian Donostian egin zen bake konferentziaren ondoren hau da nazioarte mailan bake prozesuaren alde egiten den ekitaldirik garrantzitsuena.
Hedabideetan aipatu izan da konferentziaren ondorengo egunetan ETAk keinu garrantzitsuren bat egin dezakeela armagabetzearen esparruan. Ekainaren 5ean kaleratutako agirian erakunde armatuak gogor salatu zuen maiatzaren 28an Miarritzen egindako polizi operazioa eta armagabetze prozesuaren aurkako eraso zuzentzat jo zuen. Frantziako poliziak armak atzeman zituen Miarritzeko etxebizitza batean eta Nathalie Chasseriaux eta Enrike Lopez atxilotu zituen operazioan.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
“Inoizko [EAEko] parlamenturik abertzaleena” vs. “Independentismoa minimo historikoetan dago”. Bi baieztapen horiek azken aldian entzuten ditugu, eta areagotu dira Araba, Bizkaia eta Gipuzkoan apirilaren 21ean izandako hauteskundeen ondotik. Bi esaldi... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]
Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]
Euskal Herriaren eta Kataluniaren independentzia aztergai da atzerrian. Nevadako Unibertsitateak, Renon, Ameriketako Estatu Batuetan, liburu mamitsua argitaratu berri du, ingelesez, Pro-independence movements in the Basque Country and Catalunya [Independentziaren aldeko... [+]
Espraiarekin estali dituzte Ipar Euskal Herrian gutxienez 25 frantsesezko izendapen panel. Uztailaren 10ean hasi zuten ekintza, eta U14 kolektiboak egiletza aldarrikatu du. Bihar manifestazioa deitua dute Donibane Lohizunen.
Berriz ere, euskararen aferak hartu ditu azkenaldian lerroburuetako batzuk. Epaitegi batek euskararen eskakizuna zuen lanpostu baten baldintzen kontra deliberatu duela. Inkesta soziolinguistiko batek esanguratsuak diren datuak eman omen dituela. Lapurdi, Baxenafarroa eta... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.