Pariseko Komuna ezagutarazteko xedez, Communard-e-sen Lagunak elkartea sortu dute Garazi aldean
Martxoaren 18tik maiatzaren 28ra hainbat ekimen antolatu ditu elkarte berri honek. 1871ko martxoaren 18tik maiatzaren 28ra iraun zuen lehen gobernu iraultzaile eta sozialista erradikala izan zen Parisko Komuna.
1871ko martxoaren 18tik maiatzaren 28ra iraun zuen lehen gobernu iraultzaile eta sozialista erradikala izan zen Parisko Komuna. Orduz geroztik 150 urte pasa direla, Communard-e-sen Lagunak elkartea sortu dute Nafarroa Beherean. Gertakizun honetaz informatzea baita oinarrian zituen ideia eta ekintzen ildotik aurrera egiteko ere sortu dute elkartea. Oinarrian, Gabiltza elkartea, hau ere berria eta COVID-19 garaian osatua, autogestio kolektiboa xede duena.
Bi hilabetez, egitarau aberatsa
Erakusketa, hitzaldi, film zein liburu aurkezpen, hainbat ekimen antolatu ditu elkarteak. Ekintzei ere lotuko da elkartea, tartean Baionan, Donapaleun zein Donibane Garazin diren Thiers karriken izenak "Parisko Komuna" izenarekin ordezkatuz. Hain zuzen, maiatzaren 1871ko 28an Adolphe Thiers buru zuen Hirugarren Errepublikako gobernuak garaitu eta zapaldu egin zuen Komuna, 60 eguneko jazarpen bortitzaren ondoren.
Maiatzaren 28an, elkarretaratze batekin burutuko dute zikloa, Parisko Komunaren kontrako sarraskia salatzeko.
Parisko Komunaz gehiago jakiteko gogoa ukanez gero, 2017an plazaraturiko Larrun aldizkaria duzue eskuragarri.
150 urte igaro dira 1871 Parisko Komuna eratu zenetik. Bi hilabeteren buruan komuneroak jazartu eta eraikin ugarik su hartu zuten. Agintariek pétroleuse deitzen zieten emakumeen egotzi zieten suteak pizta petrolioa erabilita. Ehunka atxilotu zituzten, eta asko epaiketarik... [+]
Communal Luxury izenburuak luxuaren definizio polemiko bat iradokitzen digu, luxuaren eta kapitalista handien arteko lotura konbentzionalaz harago. Italiako mugimendu autonomoa dakarkigu burura, 1970eko hamarkadan nola salatu zuen langileen eskubideak mugatu nahi izatea... [+]
Anekdota apokrifo batek dio, eta Kristin Rossek Communal Luxuryn jasotzen du, Errusiako Iraultzaren hirurogeita hamahirugarren egunean, hau da, Parisko Komunak zutik eutsi zuen 72 egunen muga gainditu zuten momentuan bertan, Leninek dantza egin zuela elur gainean Neguko... [+]