Parisek ez die erantzun zehatzik eman euskarazko hezkuntzaren arloko kezkei
Astelehenean bildu dira Ipar Euskal Herriko ordezkaritza politikoa eta Hezkuntza Nazionaleko Ministerioa. “Ez da promesik izan, baina ezta blokeo egoera bat ere”, laburbildu du Hiriburuko auzapez Alain Iriartek.
Euskarazko murgiltze sistemaren defentsa egitera joan dira Parisera Max Brisson eta Frederique Espagnac senatariak, Vincent Bru diputatua eta Hiriburuko auzapez Alain Iriart –Euskal Elkargoko lehendakaria ere joatekoa zen baina ezin izan du agertu garraio arazoak tarteko–. Hiriburuko Baste Quietako euskara hutsezko esperimentazio proposamenaren gaineko debekua kentzea ere galdegin dute. Debekuak haserrea piztu du Ipar Euskal Herriko euskalgintzan, eta hezkuntza eragileek protesta deitu dute astearterako. Ministerioko ordezkariek eskaerak entzun dituzte, baina ez dute erantzun zehatzik eman, kazeta.eus-ek jakinarazi duenez.
Bilera ordu eta erdiz luzatu dela eta “adeitsua eta teknikoa” izan dela azaldu du Brissonek. Ministeriotik ziurtatu diete murgiltze sistema ez dagoela arriskuan, baina hautetsiek zehaztasun eta berme gehiago eskatu dute. “Zer da marko juridikoaz? Espero dugu Euskararen Erakunde Publikoaren eta Estatuaren arteko partaidetzak jarraitzea baina sakoneko debate bat behar da. Eztabaida ez da hetsirik eta hautetsiei eta parlamentariei dagokie lanarekin aitzina egitea”, esan du Iriartek.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]