Paris 365: Iruñeko Udalaren migrazio politikek “erakartze efektuaren diskurtsoa” barneratu dute
Fundazioak 650 lagun ingururen elikadura bermatzen du urtean. Erakundetik diote azkeneko bi urteetan laguntzarik gabe geratu diren pertsonak artatu ahal izan dituztenak baino gehiago izan direla.
Iruñeko Paris 365 elikagaien biltegi eta jangela solidarioak 2022ko datuak biltzen dituen memoria aurkeztu du gaur. Prentsaurrekoa probestuz, gainera, azken bi urteetako “pobreziaren gorakadaren” atzean dauden kausak aztertu dituzte Josean Villanueva Oyarzábal, Oihana Barrios Salinas eta Myriam Gómez-García fundazioaren bozeramaileek. Ezagutzera eman dituzten datuen arabera, 672 pertsonen elikadura bermatu zuten iaz eta aurten 586rena dagoeneko. Beraz, urte amaieran 650 ingurura hurbilduko direla aurreikusi dute.
Dena den, argitu dute egungo egoeraren daturik adierazgarriena honako hau dela: pandemiaz geroztik, jantokian zerbitzatutako otorduak %43 igo dira, arreta jaso duten pertsonen kopurua %35 jaitsi den bitartean. Zergatik? Orain zailagoa delako pobreziaren atalasea gainditzea eta, hortaz, erabiltzaileek denbora luzeagoan egoten dira Paris 365en laguntza jasotzen. Horregatik, GKEan geroz eta erabiltzaile gehiago dago aldi berean, baina geroz eta baliabide gutxiagorekin.
“Nafarroako pobreziaren adierazleek argazki autokonplazientea erakusten digute, baina Nafarroan pobrezia bizi duena beste erkidego batzuetan bezain pobrea da”, azaldu du Villanuevak. “Kausen azterketan ezin ditugu kanpo faktoreak alde batera utzi, hala nola koronabirusa, Ukrainako gerra edo migrazio-fluxuak. Era berean, ezin ditugu ahaztu Atzerritartasun edo Etxebizitza legeak, ezta bazterkeria egoeran dauden pertsonek baliabide publikoak eskuratzeko duten ezintasuna. Irtenbidea borondate politikoan datza”, kritikatu du presidenteak.
Zailtasun guztiak gorabehera, 2022an beste urte batez Paris 365 gai izan da laguntza bila joan ziren “pertsona gehienen” oinarrizko elikadura eta janzteko beharrak asetzeko. Horregatik, zabaldutako oharrean eskerrak eman dizkiete boluntarioei, langileei, erabiltzaileei, emaileei eta bazkideei.
Hala ere, gogoratu dute Paris 365 “desagertzeko helburuarekin jaio zela”, eta, “jantokitik eta biltegi solidariotik kanpo, justizia sozialaren helmuga hori are gehiago urrundu dela 2023an”. Batez ere, hau nabarmena da gazte etorkinen eskubide urraketari dagokienez, azpimarratu dute. “Paris 365ek eta beste kolektibo sozial batzuok hilabeteak daramatzagu salatzen politika publikoak askotan erakartze efektuaren logikatik egiten direla, eta ez harrera efektuaren logikatik. Zoritxarrez, gaur egun gure baliabideek ez dute aukerarik ematen sistema publikoak beren kasa abandonatutako pertsona guztien eskaerari erantzuteko”.
Deia gizarteari
Izan ere, fundazioaren diru kutxak ere nabaritu du krisialdia, eta 2020tik dohaintzak %45 gutxitu dira. “Egungo egoeran, Paris 365 proiektua independentzia ekonomikoarekin gauzatzen jarraitzeko, finantzaketa handiagoa behar da”, adierazi du Villanuevak. Oso modu errazean, www.paris365.org webgunean posible da unean uneko dohaintza bat egitea edo bazkide gisa izena ematea. Kuotaren aldizkakotasuna eta zenbatekoa librea da.
Oxfam Intermonek argitaratutako txosten batek adierazi du Espainiako Estatuko %1 aberatsenen esku dagoela estatuko kapitalaren %22,4. Bestalde, %50 pobreenak estatuko aberastasun guztiaren %7,8aren jabe baino ez dira.
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Urte gutxiren buruan lanik aurkituko dutela uste dutenen kopurua 20 puntu beherago kokatzen da bost urteren ostean. Norberaren gogobetetzearen balorazioari dagokionez, 10 puntu jaitsi da 2015etik.
Egunero milioi bat dolar xahutuko balitu bost aberats horietako bakoitzak, 476 urte beharko lituzkete aberastasun guztia agortzeko. Era berean, 2020tik hona, munduko 5.000 milioi pertsonaren erosahalmena murriztu egin da. Oxfam GKEaren aurtengo txostenaren emaitzak dira.
Berokuntzari edo higiene-produktu batzuei ere uko egin behar diete ikasleen ia erdiak, Cop1 erakundeak argitaratutako ikerketa baten arabera. %25ek 50 euro baino gutxiago izaten dituzte eskura, alokairua eta tasak ordaindu ondoren.
Arroz kiloa euro eta hamahiru zentimo garestitu ditu Mercadona supermerkatu kateak otsailaren 7tik martxoaren 1era. FACUA kontsumitzaileen elkarteak mila elikagai baino gehiagoren prezioak aztertu ditu Espainiako Estatuko zortzi supermerkatu kate handietan. Urtea hasi denetik,... [+]
Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?
2019ko abendutik 2021eko abendura munduan sortu den aberastasunaren bi heren %1 aberatsenen esku geratu da, Oxfamek kalkulatu duenez. Muturrerantz ari dira aberastasuna eta pobrezia mende honetan: hamarretik pertsona batek gosea pasatzen du –820 milioik–, eta... [+]
Enpresen dibidenduak akziodunen artean ez ezik, langileen artean ere banatu behar direla defendatu du Angel Toña Jaurlaritzaren Lan sailburu izan zenak Euskadi Irratian eginiko elkarrizketan: "Enpresaburu makalak dauzkagu, eta argi esan behar da, politikariek ezin... [+]
Gasaren kontratua aldatu eta urtean 6.000 euro ordaintzetik 40.000tik gora ordainduarazi nahi izan diote Hiriburuko Ametza ikastolari. Ondorioz, kontratua eten eta hamar egun berogailurik gabe egon dira ikasle eta irakasleak. Elkartasunak salbatu ditu, gelak berotu ahalko... [+]
Herritarren pobretzeaz, sistemaren porrotaz eta bizi dugun paradigma aldaketaz hitz egin digu Josetxo Etxeberriak. Bikotekidearekin eta 3 urteko umearekin bizi da Hernanin, eta negu atarian ez dute berogailua ordaintzeko dirurik. Egoera globala dela eta aurre egiteko mekanismoak... [+]
Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari... [+]
