Panpi Intzagarai
Isil, fidel eta gozoa trumoi handi barik inguruak hezetzen dituen lantzerra bezala. “Sibastarrak” pastoralaren bezperetan hil behar zuen hainbeste pastoralen eskuliburu editatutako inprimatzaileak. Eta bihotza lehertuta, hori ere idatzita egongo zen Uhaitzeko harriren batean. Bihotza.
Uztailaren azken egunetan bata bestearen ondotik hurbildu dira lagunak Atharratzeko funerariumera emazte Mariseri konpainia egin eta 68rekin herioak eraman duen Panpi Intzagarai bera azken aldiz hezur-haragiz ikustera. Gelan zegoen aurrez aurre, ukitzeko moduan, ez tarteko kristal eta ez bestelako parafernalia, oheratuta balego bezala, gure aspaldiko Panpili, gainean ikurrina, xingola beltza eta “Euskal Herria Antifaxista” pegatina. “Zigarreta biltzeko tabakoa falta du” esan du norbaitek, momentu mikatza nola halako irriz irentsi nahian. Betiko Panpili Ozazekoa, bere bibote ederraz, halako bikingo aire batekin. ARGIAkook 1981 urrun batean ezagutu genuen, Ozazeko eskola zaharrean, Allande Sokarros, Jon Errezarret eta Jean-Pierre Duteuilekin egiten Egia hilabetekaria, gero Abil bilakatua, ezkerreko jende zorrotza aspaldian gainbehera zetorren Zuberoa inarrosi nahi zuena. “Herrian lana, herrian bizi” oihukatzen zen orduan. Laster hasiko zen inprimeriako lanetan, Lantzer argitaldari txikia antolatuta Errezarretekin. Lasarte-Orian Antza kooperatiban gogoan dauzkate Panpiliren bisitak eta pastoralen liburuak, urte luzez inprimatu dituztenak, muga gaineko elkarlana. Laneko bidai haietako batzuetan azaldu zen Aña lehen emaztearekin, autobus istripu dramatiko batean hilko zenarekin. Ia hogei urtez aritu zen herriko auzapez ere, 1995etik 2014era, hautetsi abertzale askorik ez zen garaietatik. 1850ean Ozaze-Zuharak 471 biztanle omen zituen, 71ra murriztuak 1982rako. Gaur 86 dauzka, ez dira asko nahiz eta horietako bakar bat aski izan eskuzabaltasunez ari den auzapez bati galarazteko loa eta bizipoza. Hil dela zabaldu denean, agorrilaren atariko azken egun sargoriotan klase askotako jendea bildu da Panpi Intzagarairen gorpuaren bueltan, kultur ahaleginetan dabiltzanak, laborari militanteak, sasia ondo probatutako hego zein ipartarrak, Espainiak bezala Frantziak zintzurretik estu hartutakoak, noizbait Zuberoraino urrundik zerbaiten bila hurbilduak, Zuberoa bizi dadin herritik eskapo egiteari uko egindakoak, publikoki ezagunak batzuk, apal diskretoak asko. A zer belaunaldi emankorra.
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Xabier Zabaltza Perez-Nievas historialaria, idazlea eta EHUko irakasleak 'Euskal Herria heterodoxiatik' izeneko liburua plazaratu berri du. Bertan dio Euskal Herria ezinbestean euskara eta euskal kulturaren bidez eraiki behar dela eta horretarako funtsezkoa dela euskara... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioaren eskutik, sei irakurgai proposamen.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]