Palestinari, osasun mentalari eta transexualitateari buruzko filmak ikusi ahalko dira Giza Eskubideen Zinemaldian, besteak beste
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta solasaldietako gaietako batzuk, eta erakusketak ere izango dira hiriko hainbat tokitan.
El salto filmarekin (Benito Zambrano, 2023) irekiko dute jaialdia, hilaren 12an, Viktoria Eugenia antzokian. Fernando Leon de Aranoa zinemagilea egongo da inaugurazio saio horretan, haren ibilbide osoa aitortzeko saria jasoko baitu. Bestalde, Nina filmak (Andrea Jaurrieta, 2023) itxiko du jaialdia, hilaren 19an, film luzeen zein laburren sari banaketa egingo duten galan. Guztira,
35 nazionalitateko 45 film programatu dituzte guztira (26 film luze eta hemeretzi film labur), eta izen handiak daude tartean, besteak beste Agnieszka Holland eta Nuri Bilge Ceylan, baita Indarkeriaren oi(h)artzunak (Amaia Merino eta Ander Iriarte, 2023) eta Muerte en Amara (Aitor Gonzalez de Langarica, 2024) euskal ekoizpenen estreinaldi absolutuak ere. Film gehienak Viktoria Eugenia antzokian proiektatuko dituzte, bost izan ezik: bi proiekzio egingo dituzte Antzoki Zaharrean eta hiru Tabakaleran, Zinema eta Memoria zikloko hirurak. Programazioa ia egunero osatuko da filmen protagonisten, zinemagileen eta landutako gaietan adituak diren pertsona ezagunen solasaldiekin.
Bestalde, Antzoki Zaharrean, goizeko emanaldiak bederatzi izango dira guztira, hiriko ikastetxeentzat. Adin taldearen arabera aukeratutako filmak hauek dira: Kurrin (Mascha Halberstad, 2022), Dounia eta Alepoko printzesa (Marya Zarif, 2022) eta 20.000 erle espezie (Estibaliz Urresola Solaguren, 2023). Filmen gida didaktikoak, aurten, Zinhezba, Kalakalab eta GazteFilm Fest-ek landu dituzte. Horrez gain, lau erakusketa antolatu dituzte jaialdiaren bueltan, eta MUGI TÚ giza eskubideei buruzko online jokoa antolatu dute, Euskadiko Garapenerako GKEen Koordinakundearen eskutik.
Sarrerak gaur (hilak 5) jarriko dituzte salgai, 11:30ean, Antzoki Zaharreko zein Viktoria Eugenia antzokiko leihatiletan, eta baita jaialdiaren webgunean ere. Halaber, 21. Donostiako Giza Eskubideen Zinemaldiko programazio osoa eta xehetasunak hemen kontsultatu ditzakezue.
20.000 erle espezie (2023) filmak, Estibaliz Urresola Solagurenek zuzenduak, emango dio hasiera datorren apirilaren 21ean, Victoria Eugenia Antzokian, Donostiako Giza Eskubideen 20. Zinemaldiari. Udaleko Giza Eskubideen sailak eta Donostia Kulturak antolatzen dute, eta... [+]
Donostiako Giza Eskubideen Zinemaldian aurkeztu dute Apaiz Kartzela, diktadura garaian Zamoran giltzapetutako abade antifrankisten borroka kontatzen duena.
Donostiako Giza Eskubideen Zinemaldian estreinatzekoa zen Lander Garro zuzendari errenteriarrak intsumisoen borrokari buruz egin duen dokumentala. Koronabirusari aurre egiteko neurriengatik zine jaialdia ez da osorik egingo, baina antolatzaileek lan hau proiektatzea erabaki... [+]
Covid-19k sortutako egoera ikusita, Donostiako Udaleko Giza Eskubideen Bulegoak eta Donostia Kulturak erabaki dute bertan behera uztea apirilaren 23tik 30era aurreikusita zegoen Giza Eskubideen 18. Zinemaldia. Ikastetxeentzako zinema-saioak ere ez dira egingo.
Giza Eskubideen XVI. Zinemaldia. Filmak: Human Flow (Ai Weiwei) eta El baile de los años (Ados Teatroa). Apirilaren 20an Donostian, Victoria Eugenia antzokian.
Zinema eta giza eskubideak uztartuz, ikuslearengan gogoeta bultzatzea da Donostiako Giza Eskubideen Zinemaldiaren helburua. Aurtengo XIV. edizioa apirilaren 15etik 22ra bitartean egin da eta askotariko ikuspuntuak bildu dituen programazio txukuna eskaini du, Euskal Herrian eta... [+]
Sari nagusia, Ikusleen Saria, lortu du Chiara Andrich eta Giovanni Pellegrini italiarren Bring the Sun Home dokumentalak, Donostiako Giza Eskubideen XIII. Zinemaldian.
Barneko pentsamendu eta premien berri ematea ezinezkoa zitzaion Lourdes Arrietari; jaiotzetiko arazo batek gorputzeko mugimenduak koordinatzea eta hitz egitea galarazten dio. Mentxu ahizpa problema berarekin jaio zen, eta hitz egiteko gaitasuna baduen arren, apenas ahoskatu... [+]