Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
Ikerketa batek Espainiako Estatuko finantza-sistemaren eta Palestinako lurren okupazioaren arteko harremanak aztertu ditu. Nora Miralles, Carlos Díaz eta Felip Daza ikertzaileen arabera, eguzki-energia ustiatzeko parkeak eta proiektuak lurralde okupatuetan eraikitzen ditu estatu sionistak, eta Espainiako Estatuko finantza-sistemaren zein estatu sionistaren arteko lotura finantzarioak azaleratu dituzte. BBVA, Kutxabank, Ibercaja, TSK Group, Abengoa edota Soltec enpresak ageri dira mapan, besteak beste.
Estatu sionista, independentzia energetikoaren bila
Israelgo Estatua "irla energetiko bat" izan da, inguruko herrialdeetako energia-sistemetatik eta elektrizitate-sareetatik isolatuta dago eta. Estatu sionistak, gainera, historikoki energia inportatu behar izan du, eta "inportazio energetikoekiko" menpekotasun handia eduki izan du. Hala izan zen, harik eta 2009tik aurrera kostaldean Tamar eta Leviathan gas-hobiak aurkitu zituztenera arte. Horrela, estatu kolonizatzaileak erreserbak handitu ditu geroztik eta, antza denez, gasari esker urtean kontsumitzen duen energia 35 bider ekoizteko gaitasuna lortu zuen, 2018ko datuen arabera.
Testuingurua aldatu da orain eta, aldaketa klimatikoa dela-eta, Mendebaldeko herrialdeek energia berriztagarrien alde egin dute, diote ikertzaileek. Hala, independentzia energetikoa mantentze aldera, 2020an estatu sionistak kontsumitzen duen energiaren %30 iturri berriztagarriek ekoiztea nahi du, eta ehuneko horren %90 eguzki-energiak asetu beharko du. Horretarako, eguzki-energia parkeak boskoiztu beharko ditu datozen urteetan.
Lurraldeen okupazioan "faktore garrantzitsua" dira eguzki-energia parkeak
Ikertzaileek salatu dutenez, lurraldean zabaltzeko eta palestinarrak kanporatzeko eguzki-energia ustiatzen duten proiektuak ere baliatzen dituzte sionistek. Zisjordania hiru eremutan banatzen du estatu sionistaren okupazio militarraren sistemak: A eremua (lurraldearen %18), Palestinako Autoritatearen esku omen dagoena; B eremua (lurraldearen %22), "partekatutako administrazio baten esku" dagoena; eta C eremua (lurraldearen %60), estatu sionistak militarki kontrolatzen duena. Bertan daude sionisten hamaika kokaleku ilegal: osotara, 600.000 kolono sionista bizi dira legez kanpoko 250 egonlekutan.
Azken eremuan, C eremuan hain zuzen ere, aurkitzen dira eguzki-energiaren ustiaketarako parke guztiak. Baliabide naturalen eremu bat da hori, "urre zuria" deituriko harria gordetzen duena, eta laborantzarako lur emankorra duena. Ikerketan seinalatzen dutenez, egonleku industrialak daude eremu horretan ere, eta ekoizpena palestinarren lurraldeetatik ustiatutako lehengaietan oinarrituta dago.
Eguzki-energia parkeek ere funts berdina dute. Jordan haranean (C eremuaren barnean) daude eguzki-energia parkeen proiektu gehienak. Palestinarrak IEC enpresa publiko sionistaren elektrizitate-sarea erabiltzera behartuta daude A eta B eremuetan, baina C eremuan azpiegiturarik ere ez dago. Eremu horretan, gainera, 2016an palestinarren 16.085 eraikin botatzeko agindua eman zuen Israelgo Estatuak. Prozesuan ICAk eta militar sionistek "ur- eta eguzki-ekipamenduak suntsitu edo lapurtu zituzten", palestinarren eta beduinoen energia-baliabide urriak txikituz.
Espainiako finantza-sistemaren greenwashinga
Naqab desertuan eta Zisjordanian zehar egiten dituzte eguzki-energia instalazioak. Kolonizatzaileen etxeetan baliatzen dira eguzki-panelak, baina inbertsio handienak Naqab desertuko "makroproiektuetan" aurki daitezke, besteak beste: Ketura Sun eguzki parkea, Ashalimeko proiektu erraldoia (estatu sionistak zabaltzeko asmoa duena) edota Shneur Tze'elim.
Megraproiektu horiek, ikertzaileek azpimarratu dutenez, kanpo-inbertsio handiak behar dituzte. Parkeen eraikuntzan nazioarteko parte-hartzea nabarmena da: Frantziako Estatuko EDF Energies Nouvelles, Alemaniako Belectric edota AEBetako Solar First enpresek proiektu horiek hornitu edo eraiki dituzte.
Mendebaldeko enpresak zein bankuak eguzki-energia parke horien eraikuntzan murgilduta daude, eta dokumentuak estatu sionistaren eta Espainiako Estatuko finantza-sistemaren arteko loturak aztertu ditu, zehazki. SolarEdge enpresak, eguzki parkeen hornitzailea Jordango Haranean, Santander Bankuarekin loturak ditu eta Ibercajaren "inbertsio-funtsetan ageri" da. Halaber, ikertzaileek jakinarazi dute Bankiak eta BBVAk enpresa sionistaren ia milioi erdiko akzioak pilatzen dituztela.
Banku horiek ez ezik, Abengoa enpresak Naqab desertuko Ashalim megaproiektuaren plangintzan parte hartu zuen, eta enpresa horren eguzki-energia proiektuen finantziazioa Bankiaren esku zegoen, besteak beste. Enpresa horrek, gainera, proiektuaren %50 saldu zion TSK Group espainiarrari. Hori ez ezik, Alstom enpresan (megaproiektuaren jabeetako bat) arrisku-aktiboak ditu BBVAk, eta 400 milioi euroko "abal berdeak" ere eman dizkio.
Salatu dutenez, bankuek eta enpresek greenwashing (zuriketa berdea, euskaraz) praktika baliatzen dute. Alegia: "ingurugiroarekiko adeitsuak" ,"sozialki arduratsuak" eta "jasangarriak" diren proiektuak finantzatzen dituztela esaten dute enpresek eta bankuek, baina Palestinaren okupazio-prozesuaren parte diren lurretan gauzatzen dituzte proiektu horiek. Zentzu horretan, instituzio publikoen "bono berdeen" erabilera handitu dela ohartarazi dute eta, antza denez, bankuen eta inbertsio-funtsen "lehentasunezko merkatua" bilakatu direla.
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.
Genozidioarekin lotutako suizidio ugari identifikatu dira, armada sionistak datuak ezkutatzen baditu ere.
Tal Mitnick Hemezortzi urteko gaztea izan da azken hamarkadan kontzientzia eragozpenagatik denbora gehienez espetxeratu dutena.
Oposizioko taldeek proposatutako ikerketa batzorde ofiziala ez da aurrera atera, boz gutxiren aldearekin. Arrazoi ugari daude gobernuko kideek gertaerak ikertu nahi ez izateko.
Horietatik hiru haur siriarrak ziren, eta haien etxearen kanpoaldean jolasean zeudela hil dituzte, NBEak gaitzetsi duenez. Hezbollahk mehatxu egin du Israelgo zonalde berriei eraso egingo diela, Israelek azken egunetan Libanon egindako hilketen ondoren.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Israelgo egunkari Haaretz-ek hilabeteetako ikerketa egin du Israelgo Armadak iragan urriaren 7an Hamaseko erasoari nola erantzun zion aztertzeko. Armadako soldadu eta ofizial ugarirekin hitz egin du eta ondorioa argia da: Israelek Anibal direktiba indarrean jarri zuen, aurretik... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.