Palestinarekin bat egiteko elkarretaratzeak deitu dituzte Euskal Herrian
Iruñean, Bilbon, Donostian eta Gasteizen kontzentrazioak antolatu ditu BDZ ( Boikot, Desinbertsio eta Zigorrak) Euskal Herriak. Palestinar herriko gertaerak salatu eta “justizia eta askatasuna” aldarrikatzea dute xede.
Palestinar herriarekin elkartasunean kontzentrazioak antolatu ditu BDZ Euskal Herriak, Israelen indarkeriaren gorakada salatzeko. Besteak beste, Israelen desinbertsioak egitea, boikota eta estatuari zigorrak ezartzea babesten du taldeak.
Datozen asteetan Iruñea, Bilbo, Donostia eta Gasteizen egingo dira mobilizazioak. Iruñeako udaletxean izango da lehena, astelehenean, 18:30ean. Bilbon, elkarretaratzea asteartean Areatzan egingo dute, 20:00etan. Donostian, egun berean, Bulebarrean, 19:30ean. Azkenik, Gasteizen, manifestazioa asteazkenean egingo dute Andre Maria Zuriaren plazan, 19:00etan.
"Egoera jasanezina da"
“Oso kezkatuta” agertu dira taldeetako kideak Israelgo armadaren indarkeriak izan duen gorakadarekin. Egoera “sostengaezina” dela azpimarratu dute: “Gazako biztanleek pairatzen duten egoera prekarioak justifikatzen du okupatzaileen aurkako edozein erresistentzia mota”. Halaber, aldarrikatu dute erresistentzia herri zapaldu eta bortxatu orori onartu beharreko “oinarrizko eskubidea” dela.
Azkenik, salatu dute nazioarteko komunitate eta enpresen (CAF, besteak beste) “lankidetza eta konplizitateari” esker ematen direla Palestinako genozidioak, baita herri palestinarraren garbiketa etnikoa ere, “Israelgo estatuarekin elkarlanean aritzen" direlako. Testuinguru horretan, elkarretaratze horiek elkartasun eta protesta kolektibo gisa aurkeztu dituzte, Palestinako herriak “justizia eta askatasuna” lor dezan.
.png)
Gutxienez hamar palestinar hil eta 35 zauritu ditu Israelek Zisjordaniako Jenin hiriaren aurkako operazio militar batean, Palestinako Osasun Ministerioak jakinarazi dutenez. Hildakoen eta zaurituen kopurua etengabe handitzen ari dela eta, kopuru zehatzak jakiteko zailtasunak... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Munduarenak ere egin du, sinbolo bat delako aspaldi, zeren eta historian lehenago ere egin dira genozidioak eta egingo dira gehiago (zorte txarra, aizu, han jaiotzea egokitu zaizu), baina Palestinarenak ezaugarri bereziak ditu:
- Aspaldikoa da, XIX. mendearen hondarrean... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Hondakinen artean oraindik identifikatu gabe dauden Palestinarrak ere ikusarazteko helburupean egin dute. Israelek Gazan 18.000 adingabe hil ditu urriaren 7az geroztik. BDZko Elisa Huarteren arabera, “zerrendetan oraindik ezezagunak diren izenak irudikatzen dituzten marra... [+]
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Palestinarren genozidiorako Israelek erabiltzen duen arma nagusietako bat gosea da. Alde batetik, Gazara elikagaiak sartzeko debekuarekin, eta, bestetik, Palestinako elikadura-burujabetza ezabatuta.