Palestinako kolonizazioa nazioarteko legediaren aurkakoa dela ebatzi du Nazioarteko Justizia Auzitegiak
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Nazioarteko Justizia Auzitegiak iragan ostiralean ebatzi du Israelek Zisjordanian eta Jerusalem Ekialdean dituen koloniak nazioarteko legediaren aurkakoak direla, eta baita haiei lotutako erregimena ere. “Ahalik eta azkarren” amaitu behar direla adierazi du Nawaf Salamek, Hagako Auzitegiko presidenteak, baina erabakia ez da loteslea, eta Israelek nazioarteko ebazpen ugariri ez ikusiarena egin die aurretik ere.
Epaileek Israelen politika ugari aztertu dituzte 2022an ikerketa abiatu zutenetik, horien artean Zisjordanian eta Jerusalem Ekialdean koloniak eraiki eta zabaltzea, zonaldeko baliabide naturalen erabilera, lurraldeak anexionatu eta kontrol iraunkorra ezartzea edota palestinarren aurkako politika baztertzaileak sustatu izana. Guztiak dira nazioarteko legediaren aurkakoak, ebatzi dutenez.
NJAk dio Israelek ez duela aginterik lurralde horiengan, indarrez ari dela lurrak bereganatzen eta Palestinaren autodeterminazio eskubidea ukatzen. Auzitegiak ohartarazi du palestinarrak beren lurretatik kanporatu dituela Israelen okupazioak. Gaineratu du “erreparazio osoa” eman behar diela estatu sionistak 1967tik hona kanporatutako palestinarrei.
Benjamin Netanyahu lehen ministro sionistak adierazi du “gezurrez betetako erabakia” dela, egia desitxuratzen duena, eta “Juduak ez direla okupatzaileak haien lurretan”. 2022an eskatu zuen Nazio Batuen Batzar Orokorrak NJAren iritzia, eta orain heldu da ebazpena.
Okupazioa ez lagundu
Loteslea ez bada ere, auzitegiak adierazi du beste herrialdeak behartuta daudela Israeli laguntzarik ez ematera okupazioa mantentzen. Israelek kolonia berrien eraikuntza berehala eten behar duela agindu du, eta orain arte eraikitakoak kendu behar dituela. “Indar okupatzaile gisa duen estatusaren gehiegikeriak” direla salatu du NJAk. 700.000 kolono inguru bizi dira egun lurralde okupatuetan. 160 kolonia inguru eraiki ditu Israelek mende erdian, eta azken urteetan nabarmen igo du kolonizazio prozesuaren erritmoa.
Israelek 1967ko gerran okupatu zituen Zisjordania, Gazako Zerrenda eta Jerusalem Ekialdea. Ordutik koloniak eraiki eta okupazioa izugarri areagotu du, eta kontrol militarra dauka zonalde osoan. 2005ean Gazako koloniak hustu zituzten, baina beste bi zonaldeetan kolonoen presentzia handia dago. NBEak eta munduko herrialdeen gehiengoak okupatutako lurtzat hartzen ditu lurraldeok.
Palestinako Atzerri ministroak esan du “inflexio puntua” dela NJAren erabakia, “Palestinarentzako, justiziarentzako eta nazioarteko legearentzako”. Adierazi du munduko herrialde guztiek bete beharko luketela auzitegiak agindutakoa, “ez laguntzarik, ez babesik, ez konplizitaterik, ez dirurik, ez armarik, ez merkataritzarik, ez ezer”. Palestinak NBEan duen enbaxadoreak esan du ebazpena pauso garrantzitsua dela okupazioa amaitzeko eta Palestinaren eskubideak berreskuratzeko: autodeterminazio eskubidea, estatu izateko eskubidea eta itzultzeko eskubidea.
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.