Palestinako genozidioa salatuko du ikasturte honetan ere Gure Haurrak Ere Badira mugimenduak
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren Palestinara helaraziko dituzte.
.jpeg)
Pasa den ikasturteansortu zen Gure Haurrak Ere Badira mugimendua, Palestinako genozidioa geldiarazteko Euskal Herriko hezkuntza komunitatean indarrak biltzeko asmoz, Palestinako haurrak “gure haurrak ere badirela” aldarrikatzeko. Euskal Herriko zenbait guraso elkartek, ikastolek, sindikatuk eta Euskal Herriko Ikasleen Gurasoen Konfederazioak (EHIGE) osatzen dute taldea.
Palestinan gertatzen ari denak “hunkituta” hainbat ekimen jarriko dituzte martxan Euskal Herriko ikastetxeetan.
Azaroaren 20an, Haurren Nazioarteko Egunean egingo dute lehengoa. Ikastetxe sarreretan krespoi beltza duen bandera palestinar bat eta bi zapata pare jartzea proposatu dute. Ikastetxe bakoitzeko irudiak eragilearen posta elektronikora bidaltzea eskatu dute (gurehaurrak@gmail.com). Irudi horiek Gure Haurrak Ere Badiraren sare sozialetan zabalduko dira.
Bigarrena, berriz, azaroaren 30etik urtarrilaren 31ra bitartean egongo da martxan. Palestinako haurrei elkartasun mezuak idazteko aukera izango dute Lehen Hezkuntzako zein Bigarren Hezkuntzako ikasleek.
Antolatzaileek iragarri dutenaren arabera, haur eta nerabeek, bakarka edo taldeka, ikasgelan zein etxean, mota ezberdinetako gutunak idatzi ahal izango dituzte. Marrazkiak, bertsoak, poemak, kantuak eta abar. “Dena baliagarria” dela azaldu dute.
Urtarrilaren amaierara arte jasotako mezu guztiak bi bidetatik helaraziko dituztela azaldu du ekimen herritarrak. Batetik, mundu mailako elkartasun mezuak biltzen dituen Letters for Palestinian childhoods elkarte ingelesaren bidez, eta bestetik, Mundubat fundazioaren bitartez.
Norbanako orok, sortutako mezuen edo lanen argazkiak bidali nahiko balitu, helbide honetara bidali ditzake: gurehaurrak@gmail.com. Lan bakoitzari egilearen edo ikastetxearen izena eta herria gehituta.
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.