Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.
Orain arte, Espainiako Estatuak ez du errekonozitu Palestinako Estatua. Frantziako Estatuak eta Europako herrialde gehienek ere ez. Baina asteazken honetan hiru gobernu europarrek jakinarazi dute datorren astean ofizialki aitortuko dutela Palestina estatu gisa: Norvegiak, Irlandako Errepublikak eta Espainiako Estatuak. Israelek Palestinan egindako kolonizazio prozesuan “bi estatuen konponbidea” hauspotu nahi izan dute neurri honekin.
Europako bederatzi herrialdek besterik ez dute errekonozitu orain arte Palestinako Estatua. Bulgaria, Polonia, Txekiar Errepublika, Errumania, Eslovakia, Hungaria, Zipre, Malta eta Suediak osatzen duten taldera batuko dira aipatutako hiru estatuak maiatzaren 28an. Norvegia, Irlanda eta Espainiako gobernuak Europako beste herrialdeekin harremanetan aritu dira azken asteetan, eta adierazi dute espero dutela horietako batzuek ere urrats bera ematea laster. Munduan 140 herrialde baino gehiagok egina diote aitortza Palestinako Estatuari.
Erreakzioak
Israelgo Atzerri ministro Israel Kantzek gogor kritikatu du Europako hiru herrialdeen erabakia. “Terrorismoak merezi du” dioen mezua zabaltzea leporatu die, eta “Hamaseko hiltzaileei urrezko domina” eman izana. Palestinako Estatua aitortzeak bakerako aukerak txikitzen dituela esan du Israelek. Atzerri ministroak Norvegia, Irlanda eta Espainiako enbaxadoreak deitu ditu urgentziazko bilera batera, eta ohartarazi du “ondorio larriak” izango dituela pausoak.
Palestinarren aldetik, iragarpena txalotu dute Hamasek eta Palestinako Aginte Nazionalak. Hamasek pozez hartu du Jerusalem Ekialdea aitortu izana Palestinako hiriburu gisa. Mahmud Abas PANeko presidenteak adierazi du erabakiak lagunduko duela palestinarren autodeterminazio eskubidea finkatzen eta bi estatuen irtenbiderako neurriak hartzen. Munduko herrialdeei, eta batez ere europarrei, dei egin die erabaki bera hartu dezatela.
Norvegiako lehen ministroak, errekonozimendurako asmoen berri ematean, adierazi du Israelen eta Palestinaren banaketa oinarritu behar dela 1967ko ekainaren aurretik zeuden mugetan. Antzeko adierazpenak egin ditu Pedro Sanchezek. Israelek azken 50 urteetan koloniak eraikitzen eta Palestinako lurraldea okupatzen emandako aurrerapausoen aurkako iritziak dira, beraz.
Espainiako presidentea pasibotasunaren aurka aritu da bere hitzartzean, eta palestinarrei “zuekin gaude” esateko baliatu du errekonozimendua. Era berean, baina, adierazi du erabakia ez dela Israelen aurkakoa. Israeli arma ugari saldu izan dizkio Espainiak, Europan gehien saldu dion herrialdea ere izateraino hilabete batzuetan. Urriaren 7az geroztik ere saldu dituzte, nahiz eta adierazi izan duten ez dela armarik bidaliko. Bestalde, inoiz ez dio utzi Israeli produktuak erosteari, izan militarrak edo segurtasun arlokoak. Ertzaintzak ere badaki zerbait horretaz.
Palestina Nazio Batuen Erakundeko kide oso izateko prozesua
Maiatzaren 10ean NBEko Batzar Orokorrak alde handiz onartu zuen Palestinari “eskubide eta pribilegio” berriak emateko neurria, baina Batzar Orokorrak ezin du zuzenean erabaki Palestinaren kidegoari buruz. Aldeko 143 bozka, aurkako 9 eta 25 abstentzio izan ziren bozketan, gehiengo zabala beraz. Batzar Orokorrak Segurtasun Kontseiluari dei egin zion berriz aztertu eta onartu zezala Palestinak NBEko 194. kidea izateko egindako eskaera. Izan ere, apirilaren 18an egin zen bozketa Segurtasun Kontseiluan, baina AEBek betoa jarri zioten neurriari. Erabaki hartan, batzordeko 15 herrialdeetatik 12k aldeko bozka eman zuten, eta bi abstentzio izan ziren.
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.