Palestinako alderdi nagusiek batasun gobernurako akordioa lortu dute Txinan
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela gogorarazi dute.
Palestinako hamalau fakzio nagusiak adostasunera heldu dira Palestinako lurretan behin behineko batasun gobernua ezartzeko. Azken hiru egunetan Txinan aritu dira negoziaketetan, eta astearte gauean eman zuten aditzera akordioa. “Nazioa adiskidetzeko” hitzarmena dela esan du Txinako Atzerri ministroak. Txina, Errusia, Egipto eta Aljeria aritu dira fakzioen arteko bitartekari lanetan.
Hamas eta Fatah talde nagusiek sinatu dute, eta beste hamabi taldek ere bai, haien artean Palestinako Jihad Islamikoa edo Palestina Askatzeko Herri Fronteak. Palestinako Nazio Ekimena da beste sinatzaileetako bat, eta Mustafa Barghouti PNEko idazkari nagusiak esan du aurreko urteetan lortutako edozein akordio baino “askoz urrunago” doala oraingo adostasuna. Bereziki garrantzitsua da batasuna lortu izana, Barghoutiren esanetan, Israel saiatu izan delako palestinarren artean “egitura konplizeak” sortzen, Palestinaren interesen aurka egin dutenak. “Saiakera horiek oztopatuko ditu” akordio honek, adierazi duenez. Alderdi guztiek aldarrikatu dute Palestinak “okupazioaren aurka borrokatzeko” eskubidea duela, nazioarteko legean jasota dagoena, gainera.
Hitzarmenaren ezaugarri nagusiak dira behin-behineko batasun nazionaleko gobernua ezartzea, eta lidergo palestinar bateratua osatzea etorkizuneko hauteskundeetarako. Bestalde, hauteskunde libreak egiteko asmoa azaldu dute, berriz hautatzeko Palestinako Batzorde Nazionala. Horrez gain, “elkarlanaren bidez” Israelen erasoei modu bateratuan aurre egitea adostu dute, eta Gazara laguntza humanitarioa sartzen dela ziurtatzeko lankidetza ere sartu da hitzarmenean.
Aspaldiko zauriak sendatzera
Hamas eta Fatahren arteko harremanak gaiztotuta egon dira 2006an batasun gobernua osatzeko saiakerak porrot egin zuenetik. 2007an Hamasek Gazaren kontrola bereganatu zuen, hark irabazi baitzituen hauteskundeak. Gatazka bortitzak izan ziren banaketa horretan, eta hurrengo urteetan hainbat saiakera egin dira bi aldeak elkartzeko, baina arrakastarik gabe. Inflexio puntu garrantzitsua da horregatik lortu berri den akordioa.
Israelgo Gobernua akordioaren aurka agertu da, eta adierazi du Hamas suntsitu egingo dutela. Lehenago palestinarren batasuna lortu denetan ere oso gogor egin du Israelek horien aurka, AEBen laguntzarekin. Palestinako fakzioak banatu eta batzuk besteen aurka hauspotzeko lanak ezagunak izan dira azken hamarkadetan.
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.