Palestinaren alde mobilizatuko dira Bilboko Aste Nagusian
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Palestinarekin Elkartasuna plataformak manifestazioa deitu du ostiral honetarako. Euskal Herriko hiriburuetan zein beste herri eta auzoetan mobilizazioak egin ostean, Bilboren txanda dela azpimarratu du plataformak, asteartean Konpartsekin batera, egindako agerraldian. Plaza Eliptikotik abiatuko dute manifestazioa, 19:00etan, Aste Nagusian Israel borrokatu leloarekin.
“Jaiak aldarrikapen desberdinak sozializatzeko beste gune bat dira”, ohartarazi dute Innmaculada Gracia eta Josu Lagos Palestinarekin Elkartasuna plataformako kideek. Kaleetan mobilizatzen jarraitzea “ezinbestekoa” dela adierazi dute: “Herri palestinarraren kontrako genozidioa salatzeko, bere konplizeak salatzeko eta erresistentzia palestinarrari elkartasuna adierazteko". Horretarako, Bilboko Konpartsei aldarrikapenekin jarraitzeko hainbat baliabide eman dizkiete: banderak, pegatinak, palestinar herriaren borroka ikusarazten duten abestiak...
Palestinarekiko elkartasun mugimendua Euskal Herrian zein mundu osoan jasaten ari den “errepresioa eta kriminalizazioa” salatu dute. Epaiketa eta isunei aurre egiteko, abuztuaren 17an, 20an eta 23an banderak, kamisetak eta postalak salduko dituzte Zamudioko Atean, 12:00etatik 14:30era. Horrez gain, elkartasun itsulapikoak ere jarriko dituzte hainbat txosnatan.
Bilboko Aste Nagusian ez dute jarrera matxista, arrazista eta LGTBIfobikorik onartuko
Komun publikoetan larrialdi telefonoekin pegatinak jarriko dituzte aurten ere. Gainera, arreta eta laguntza eskainiko duten taldeak ere egongo dira txosnetan, erasoren bat dagoen kasuan laguntza emateko. Poliziak 24 orduko arreta eta aholkularitza zerbitzua eskainiko du, bederatzi egunetan.
Erasoen aurkako protokoloa eguneratu dute Bilboko Konpartsek merkataritza eta ostalaritzako elkarteekin batera. Konpartsetako kideek argi utzi dute "erasorik gabeko jaiak" nahi dituztela, eta gogoratu dute txosnak "aterpe segurua" izango direla “edozein modutako erasoa” jasaten duen edonorentzat.
Saskibaloi talde israeldarraren eta Baskoniaren arteko lehia bertan behera uztea exijitzeko manifestua aurkeztu du Palestinaren aldeko mugimenduak. Euskal Herriko 40 saskibaloi klub, talde zein Baskoniako zaletuen taldek, kirol munduko 91 pertsona ezagunek eta Gasteizko 65... [+]
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]
Palestinari elkartasuna emateko elkarretaratzeak egin dituzte urriaren 21ean Euskal Herriko herri eta hiri ugaritan. Milaka lagun batu dira arratsaldean zehar Gernika-Palestina plataformak antolatutako deialdietara.
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Euskal Herriko herri guztietan elkartasun ekitaldiak antolatzeko eskatu du mugimenduak. Goizean, sindikatuen eta hezkuntza komunitatearen manifestazioak izango dira, eta arratsaldean herri guztietako udaletxeen aurrean elkarretaratzeak egitera deitu dute.