AVTk Pablo Haselen abokatua salatu du “terrorismoa goraipatzeagatik”
Terrorismoaren Biktimen elkarteak (AVT) Bozhidara Alejandra Matamoros, Pablo Haselen abokatua, salatu du 2019ko hitzaldi batean “terrorismoa goraipatzeagatik”. Azken asteetan poliziaren inguruan egin dituen adierazpenak ere kritikatu ditu elkarteak.
Terrorismoaren Biktimen Elkarteak (AVT) Auzitegi Nazionalean aurkeztu du salaketa, 2019ko maiatzean Madrilgo Errepresioaren Aurkako Mugimenduak antolatutako ekitaldi batean Matamorosek egindako adierazpenengatik. Elkartearen arabera, errepresio-estatua salatu zuten mugimenduaren urteurrena ospatzeko ekitaldian eta abokatuak ETAri buruzko hausnarketak egin zituen.
AVTk dioenez, Matamorosek ondorengoa baieztatu zuen Estatuko segurtasun indarren zapalkuntzaren inguruko hitzaldi batean: “Euskal Herriaren kasuan, kideek zituzten eta utzi zizkieten bitarteko bakarrekin egin behar izan zuten borroka, armekin alegia; armekin borrokatu ziren autodeterminazio eskubidearen alde”. Elkartearen ustez, “erakundeak hamarkadetan egindako terrorismoa modu nabarian justifikatzeko” baliatu zuen hitz-hartzea. “Kide” hitza erabili izana ere, laguntasun gisa baino uler ezin daitekeela adierazi du.
Gainera, Pablo Hasel abeslari kataluniarraren atxiloketaren harira, abokatuak azken asteetan Estatuko segurtasun indarrek egindako torturak salatu izana kritikatu dute elkarteko kideek. Adierazpen hauek egitea, “indarkeriazko gertakarien jarraipena bultzatzea” dela diote.
Haselen abokatuaren aurkako bigarren salaketa
Poliziaren Sindikatu Bateratuak (SUP) pasa den asteartean Matamorosen aurkako salaketa jarri zuen. Abokatuak komunikabideetan egindako adierazpenak irain eta kalumnia delituak izan daitezkeela adierazi du sindikatuak eta "difamazio orokor eta doako baten aurrean gaudela” uste dute.
SUP-ek, aurkeztutako salaketaren ostean, Madrilgo Abokatuen Elkargoak abokatuaren aurkako espediente deontologikoa irekitzea erabaki zuen asteazkenean. Instituzioaren ustez, zuzenbideko profesional batentzat adierazpen desegokiak dira.
Espainiako Estatuko epaitegiek Pablo Háseli “Koroa iraintzea” eta “terrorismoa goratzea” leporatzea babestu du Estrasburgok. Haren letrek “ondorio kaltegarriak” izan ditzakeela adierazi dute eta ezarritako zigorra “zentzuz”... [+]
Pablo Haselen askatasuna exijitzeko mobilizazioak zirela-eta, bederatzi lagun atxilotu zituen otsailean eta martxoan Espainiako Poliziak, eta guztira hamahiru urte eta sei hilabeteko espetxe-zigorrak eskatzen dituzte haietako laurentzat. 17.000 eurotik gorako isunak ere jarri... [+]
Pablo Hasél Lleidako abeslaria atxilotu eta espetxeratu zutenetik urtebete bete den egunean, La Directa hedabideak elkarrizketa hau argitaratu du, espetxe zuzendaritzak eta Justizia Sailak haren komunikazioei ezartzen dizkieten oztopoak gainditzea lortu ondoren... [+]
Gutxienez bost pertsona atxilotu eta beste bi deklaratzera deitu ditu Espainiako Poliziak. Pablo Haselen atxiloketaren harira egindako mobilizazioetako batean "desordena publikoa" eragitea leporatzen diete atxilotuei.
Asteburuan mobilizatzera dei egin zuten GKSk eta lekuan lekuko Kontseilu Sozialistek, Pablo Haselen espetxeratzea salatzeko eta "amnistia osoa" aldarrikatzeko. "Proletalgoaren askatasun politikoen defentsan", milaka pertsona atera dira kalera. Iruñeko... [+]
Lleidako auzitegiak Pablo Hasél rap abeslariaren kontrako beste zigor bat berretsi du ostegun honetan, kasu honetan epaiketa batean "lekukoari mehatxu egiteagatik". Nolanahi ere, oraindik Espainiako Auzitegi Gorenean errekurritu dezake zigorra. Bigarren gauez... [+]
Rap kantariaren atxiloketa salatu du Espainiako Kongresuan diputatuak. Bestalde, hainbat protesta egin ziren atzo ere, atxiloketa eta kartzelaratzea gaitzesteko.
Otsailaren 16an, goizeko 6:30ean sartu dira poliziak Lleidako unibertsitatera rap abeslaria atxilotzera. 50 herritar inguruk harresia osatu dute Hasélen inguruan eta polizien lana zailtzeko su-itzaltzekoen kea erabili dute. 8:30ean atxilotu dute poliziek rap abeslaria... [+]
Aurreko astean ekitaldi bat antolatu genuen, Pablo Hasél kartzelaratzeko egoeraren aurrean. Adierazpen askatasuna erabiliz, ahal zen neurrian arreta deitzea zen asmoa, errepresio eta zentsura larri honen aurrean. Badirudi lortu dugula, ez hainbeste gure ekintzengatik,... [+]
Hirietako muralgileak otsailaren 7an Bartzelonako Tres Xemeneies parkean elkartu ziren Pablo Hasélekiko elkartasunez hainbat horma betetzeko. Raperoak berehala kartzelaratzeko agindua jaso du, bi urte eta bederatzi hilabeteko kondena betetzeko terrorismoa goresteagatik,... [+]
“Terrorismoaren goratzarrea” eta “Monarkiaren zein Segurtasun Indarren kontrako irainak” leporatzen dizkiote. “Hemen adierazpen askatasunik ez dagoela agerian geratu da beste behin”, dio rap abeslari katalanak.