Pablo Gonzalez kazetariak hiru egun daramatza inkomunikatuta Polonian
Elantxoben bizi den Pablo Gonzalez kazetaria eta EHUko doktoregaia otsailaren 28an atxilotu zuten Polonian, Ukrainako mugatik oso gertu. Aste batzuk lehenago Ukrainako zerbitzu sekretuek galdekatu zuten eta "errusiazale" izatea leporatu zioten. Hiru egun daramatza inkomunikatuta, inork haren berririk izan gabe.
Otsailaren hasieran Pablo Gonzalez Donbassen zegoen, kazetari gehiagorekin batera, hango egoeraz eta gerraz informatzeko. Artean, Errusiak ez zuen Ukraina osoaren aurkako erasoa abiatu. Orduan, Ukrainako zerbitzu sekretuak Gonzalezekin eta beste bi kazetarirekin harremanetan jarri ziren, Kievera ahalik eta lasterren joateko eskatu zieten galdera batzuk egiteko.
Kievera joan eta Ukrainako segurtasun zerbitzuek galderak eta zenbait akusazio egin zizkioten hiru orduz. Pablo Gonzalezi "errusiazalea" izatea leporatu zioten. Ukrainako Poliziak hiru eguneko epean herrialdetik joateko aholkatu zion, nahiz eta kanporatzeko agindurik ez zuen
Bitartean, Espainiako zerbitzu sekretuak Gonzalezen zenbait lagun eta senideren etxeetara joan ziren Euskal Herrian eta Katalunian.
Publico hedabideak jakinarazi duenez, Espainiako poliziek egiaztatu nahi zuten ea Gonzalez "errusiazalea" ote zen, baita "Errusiari informazioa pasatzen ote dion" ere. Senideei jakinarazi zieten Ukrainako agenteek kazetariari leporatu ziotela Garan lan egin izana, "ETAren aldeko hedabide bat, Errusiak diruz lagundutakoa".
Egoera ikusita, Gonzalezek Euskal Herrira itzultzea erabaki zuen, harik eta otsailaren 25ean Ukrainako gerra piztu zen arte. Orduan, Varsoviara joan zen migrazio-krisiaz informatzera; eta han zegoela, otsailaren 28an, Poloniako segurtasun-zerbitzuek atxilotu egin zuten Rzeszow hirian, Ukrainako mugatik gertu.
Ukrainara egindako bidaian Gonzalezekin batera zegoen kazetarietako batek Publicori adierazi dionez, Ukrainako inteligentzia-zerbitzuek Espainiakoei eta gero Poloniakoei egindako jarraipen-eskaeraren ondorio da atxiloketa. Oraingoz, "Poloniako Estatuaren interesen aurkako ekintzak" egotzi dizkiotela baino ez da ezagutzera eman. Pablo Gonzalezen abokatu Gonzalo Boyeren ustez, inkomunikazioak atxilotuaren "borondatea haustea" eta informaziorik ez lortzea beste helbururik ez du.
Pablo Gonzalez aske uzteko eskatu du azken egunetan Euskal Herriko kazetari eta herritar andanak sare sozialen bitartez, Espainiako Gobernuaren isiltasuna salatzearekin batera. Kazetarien Euskal Elkargoak atxiloketa "demokraziaren aurkako irain barkaezina eta lanbide osoaren aurkako zapalketa" dela adierazi du, eta ildo horretan ere, nazioarteko hainbat kazetari-elkartek hitz egin dute, hala nola Informazio Askatasunaren aldeko Plataformak (PLI), Nazioarteko Prentsa Institutuak (IPI) edo Mugarik Gabeko Erreportariek.
"Polonian atxilotu duten Elantxobeko Pablo Gonzalezen egoeraren gainean dago Eusko Jaurlaritza", adierazi du Bingen Zupiria Eusko Jaurlaritzako bozeramaileak.
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]
Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.
Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.
Otsailaren 28an bi urte beteko atxilo. Egun horretarako, Gonzalez libre uztea aldarrikatzeko manifestaziora deitu du Guernica Gernikara ekimenak.
AEBetako merkataritza elektronikoko eBay plataformak jazarpen kanpaina egin zuen 2019an enpresarekin kritikatu zuten bi blogariren aurka. Beldurtzeko asmoz, hiletetako lore-koroa bidali zieten etxera, baita zerri odoldu baten maskara, bizirik zeuden armiarma eta labezomorroak... [+]