Eskuineko hiru alderdiek aurka bozkatu dute eta Chiviterena abstenitu egin da; aldiz, EH Bilduk eta Geroa Baik Contigo-Zurekinen proposamena babestu dute. Gonzálezek 20 hilabete daramatza Poloniako espetxe batean, akusazioaren frogarik jakinarazi ez bada ere.
2022ko otsailaren 28an Polonian atxilotu eta ordutik bertan preso dago Pablo González Yagüe kazetari bizkaitarra. Errusiaren espioia dela leporatzen diote, baina “akusazio hori ez da inolako frogatan oinarritzen”, azaldu du Contigo-Zurekinek Nafarroako Parlamentuan aurkeztutako mozioaren proposamenak.
Idatziaren helburua zen Espainiako Gobernuak “berehala eta irmotasun nahiz konbikzio osoz” Polonia presiona zezan, González askatzeko edo “bere egoera argitze aldera, bere abokatuari prozedurarako sarbidea eman diezaioten”. Baina mozioa onartzeko ganberaren gehiengoaren babesa behar da eta UPNk, PPk eta Voxek aurka bozkatu dute; eta PSN abstenitu egin da. Soilik Geroa Baik eta EH Bilduk bozkatu dute alde.
Gogoratu beharra dago Gonzálezen kasuaren eskubide urraketak ez direla atxiloketaren bidegabetasunera mugatzen, espetxean bertan isolamendu araubidea jasaten ari delako. Familiak zein Human Rights Watch, Amnesty International edo Mugarik Gabeko Erreportariak salatu moduan, Gonzálezi legez jaso behar dituen gutxieneko bisita kopurua baino ez diote baimentzen eta egunean 23 ordu ematen ditu eguzki argirik gabeko ziega batean.
Horregatik, Pablo Gonzálezek "Europar Batasuneko herritar gisa dituen eskubide ia guztien urraketa agerikoa" nabarmendu ondoren, Espainiako Gobernuari ahalik eta "presio diplomatikorik handiena" egiteko eskatzen zion Foru Parlamentuko mozioaren proposamenak.
Aurrekontuen zirriborroa prest
Legealdiaren hasiera honetan hainbat mozio eta adierazpen instituzionaletan desadostasunak izaten ari badira ere, gobernuak aste honetan bertan 2024ko aurrekontu proiektua onetsi du. Bertan ageri den gastu muga 5.743 milioi eurokoa da, iazkoa baino %9,6 handiagoa. José Luis Aristi Ekonomia eta Ogasun kontseilariaren hitzetan, datorren urteko neurriak “gobernuaren lehentasunetan oinarrituko dira, hala nola gastu soziala, eta baliabide publikoen hobekuntza komunitatearen garapen ekonomikorako tresna gisa". Aurrekontuak aurrera eramateko EH Bilduren babesa bilatu beharko du orain gobernuak.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]
Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.
Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.
Otsailaren 28an bi urte beteko atxilo. Egun horretarako, Gonzalez libre uztea aldarrikatzeko manifestaziora deitu du Guernica Gernikara ekimenak.
AEBetako merkataritza elektronikoko eBay plataformak jazarpen kanpaina egin zuen 2019an enpresarekin kritikatu zuten bi blogariren aurka. Beldurtzeko asmoz, hiletetako lore-koroa bidali zieten etxera, baita zerri odoldu baten maskara, bizirik zeuden armiarma eta labezomorroak... [+]
Poloniako justiziak beste hiru hilabetez luzatu du Pablo Gonzalez euskal kazetariaren behin-behineko espetxeratzea. Zazpigarren luzapena da, eta bi urte egingo ditu kartzelan 2022ko otsailean atxilotu zutenetik.