Pablo Gonzalez: “Adierazpen eta prentsa askatasunerako eskubidea defendatzen jarraitzen dut”
Euskal Kazetarien Elkarteak eta Kazetarien Euskal Elkargoak urtero banatzen dituen Euskal Kazetaritzaren Sarietan, aurten, Adierazpen Askatasunari José María Portell saria eman diote Pablo Gonzalez euskal kazetariari. Polonian atxilo daukate duela zortzi hilabete baino gehiagotik, inolako frogarik gabe eta bere oinarrizko zenbait eskubide urratuz. Oihana Goiriena emazteak jaso du saria eta ofizioaren garrantzia azpimarratu du. "Profesional independente, deseroso eta zorrotzak behar ditugu. Baina beren lana ezin da beti egon susmopean", aldarrikatu du.
Kazetarien elkargo eta elkarteari eskerrak eman ostean ondorengoa adierazi du Goirienak, saria jasotzean:
"Badakigu ez dela berez bere ibilbide profesionalari eginiko aitortza, baizik eta bere egoerari. Baliatu nahi dut aukera, aldarrikatzeko kazetarien lana funtsezkoa dela gure gizartean. Profesional independente, deseroso eta zorrotzak behar ditugu. Baina beren lana ezin da beti egon susmopean. Kazetariek, batez ere freelance-k, erakundeen babesa eta laguntza behar dute euren lana modu aske eta seguru batean egiteko.Pablo edo Pavel ezagutzen dugunok badakigu bera zerbait izatekotan bera komunikatzailea dela. Orain inkomunikatuta dago, zortzi hilabete daramatza inkomunikatuta. Isilarazi dute, hain justu, berak eskaintzeko hainbeste ezagutza duen testuinguru batean".
Jakinarazi du, hiru aste lehenago Espainiako kontsularen bidez esan ziotela sari hori eman diotela, eta bere esker hitz batzuk irakurri ditu.
"Izugarri eskertzen dut ez jasotzea gustatuko zitzaidakeen sari hau, batez ere, uste baitut ez nagoela aurreko saridunen mailan. Gure mundu honetan, eta bizi dugun krisi izugarriaren erdian, adierazpen eta prentsa askatasunerako eskubidea defendatzen jarraitzen dut".
Ikusi Goirienaren pasartea bideoan:
Saria kazetari eta idazle Carmen Torres Ripak eman zion, Jose Maria Portelen alargunak. Pablo Gonzalezen emazteari hitz hunkigarriak eskaini zizkion kazetaritza-lanbide osoaren izenean: "Pablo laster zurekin egotea nahi dugu. Pablo zugan eta bere seme-alabengan pentsatzen ari da eta horrek indar handia emango dio. Beste guztiok egin beharreko guztia egingo dugu bera hona ekartzeko. Bera da euskal kazetariok aurkitu dugun adibiderik onena. Bere zain gauzka".
Pablo Gonzalezez gain, 2022 honetako Euskal Kazetaritzaren Sariak ondorengoei eman dizkiete: Luis Rodríguez Aizpeoleari, Euskal Kazetariei Saria kategorian; Florencio Torre Lledóri bere ibilbideagatik; Berria FM podkast feministagatik Maider Galardiri, Kazetaritza Digitala kategorian; Ramón Bustamanteri Ingurugiro Kazetaritza kategorian, Maite Bartoloméri Fotokazetaritzan eta EITBri Pertsonaia edo Erakunde Sozial kategorian.
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]