Otsoa babesteko neurriak salatu dituzte abeltzainek Amurrion, hildako ardiak jendaurrean erakutsita
Abeltzainek otsoen azken erasoak salatu dituzte igandean ospatutako Amurrioko Artzain Egunean, UAGA Arabako Nekazarien Elkarteak deitutako elkarretaratzean. Iragan astean otsoek Kuartangon hildako zortzi ardiak eraman dituzte Amurriora, erakusteko artaldeak otsoen erasoetatik babesteko proposatzen diren neurriak ez direla "eraginkorrak".
"Ba al dakizue pottoka, sasiardi, apigorri-ahuntz edo behi terreña gutxiago dagoela otsoak baino?", galdetu du UAGAko kide Julen Martinez de Santosek, Alea.eus-ek jaso duenez. "Bidezkoa al da otsoa muturreraino babestea ardiak, ahuntzak, txahalak, moxalak aintzat hartu gabe? Otsoak babes berezia behar badu, gure ganaduak zergatik ez?".
Elkarteak, pasa den ostiralean plazaratutako prentsa oharrean, salatu du Eusko Jaurlaritzaren Kudeaketa Planak "otsoa lurralde osora hedatzea sustatu eta mendiko abeltzaintza alboratu" egiten duela. Besteren artean, "kalteak saihesteko neurriei dagokienez", UAGAk azaldu du profesional edota boluntarioek osatutako taldeak eratu nahi dituztela, baina lehen sektorea sektore profesionala izanik, "egiturazko neurri serioak" behar dituela, "ez boluntarioen esku geratzea". Halaber, mastin txakurrak "irtenbide magiko gisa" aurkeztea salatu du, errealitateak erakutsi duelako mastinek, konpondu baino gehiago, arazoak areagotu ditzaketela, aintzat hartuta mendietan zenbat lagun ibiltzen den. "Elkarbizitza zaila da geroz eta ugariagoak diren mendizale, txirrindulari, korrikalari eta abarrekin".
"Planaren helburua EAEn otsoaren kontserbazio-egoera ona lortzea bada, otsoa animalia horien benetako erroldarekin kuantifikatu eta alderatu beharko litzateke, kontuan hartuta penintsulako gainerako lekuetan duten kontserbazio-egoera", gaineratu du UAGAk. "Izan ere, otsoaren presentzia eremu oso zehatz batera mugatu da Euskadin; orain, lurralde osora hedatzea aurreikusten da, eta hori abeltzaintzarako mehatxu larria da. Abeltzainok, arazoak sortzen dituzten otso aleak ateratzea bultzatu behar dela uste dugu, abeltzaintzan kalteak murrizteko". Era berean, uste du Eusko Jaurlaritzak negoziazioetan sakondu beharko lukeela Espainiako Gobernuarekin, otsoa LESPRE babes bereziko erregimenean dauden basa-espezieen zerrendatik atera eta haren legezko babesa 2021aren aurreko egoerara itzultzeko.
Amurrion bildutako abeltzainek otsoaren eta abeltzaintza estentsiboaren arteko elkarbizitza ezinezkoa dela adierazi dute, eta otsoak eraso egin duen tokietatik "eramatea" eskatu dute. "Asko hitz egiten da Felix Rodriguez de la Fuenteri buruz, baina gutxik gogoratzen dituzte honelako esaldiak: 'Otsoak ahal duen lekuan eta behar duen lekuan bizi beharko du'".
Valle de Odieta etxalde erraldoiaren kontrako ekintza 2021ko martxoan egin zuen Greenpeacek, Nafarroan. Makroetxaldeak 79 txahal gaixotzea leporatzen die ekologistei, orain Greenpeaceren defentsak salaketa ezeztatzen duen albaitaritza-txostena aurkeztu du eta epaiketa atzeratu... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Abeltzaintzan lan egiten dutenek oreka bilatzen dute: animalien bizi kalitatea ahalik eta onena izatea eta ekoizpenaren bideragarritasun ekonomikoa lortzea. Gizakiok munduari muga fisiko ugari jarri dizkiogu “geurea” dena babeste aldera, “geure”... [+]
Ikerketaren zantzuak aintzat hartuta errudunak epaitu eta kalte-ordaina ezarri dezan eskatu diote Nafarroako Gobernuari Sustrai Fundazioak eta Greenpeacek. "Babes bereziko eremu bat kaltetu zuten isurketek", eta hartara, "ingurumen delitu" kontsideratzen... [+]
Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.
Bihurgunez beteriko bidearen ostean heldu ginen lautada zabal hartara. Udazkenak eskaintzen dituen orlegiaren tonalitate guztien atzean, teloi lana eginez, Pirinioak zuri-zuri ikusten ziren. Horrelaxe aurkitu genuen Abaurregaina, Euskal Herriko herririk garaiena. Errepidearen... [+]
Behi arabarren %20 eta %25 artean kutxatu dira Aiaraldean. Europan ez dago onartuta tratamendurik, eta abeltzainek arriskuan ikusten dute ustiategi askoren etorkizuna, erakundeek neurriak hartu ezean.
Josebe Blancok Hausnarrean. Ardiek egin naute artzain liburua kaleratu du ARGIAko Bizi Baratzea sailean. Berau aurkezteko lehen hitzaldia azaroaren 7an Antzuolan emango du, artzaina artaldearekin bizi den Pikunieta baserria kokatuta dagoen udalerrian. Maria Eugenia Irazabalekin... [+]
Irailaren bukaeran sendabelarren inguruko formakuntza berezia egin zuten Azpeitiko Azoka plazan. Azken urteotan sendabelarren inguruko interesa, ezagutza eta horien erabilera handitzen ari badira ere, abeltzaintzan ez da zabalduegi dagoen praktika. Hain zuzen horregatik, lehen... [+]