Otsaileko lehen osoko bilkuran onartu nahi dute Espainiako Kongresuan ‘Mozal Lege’ berria
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Joan den astearte eta asteazkenean bilera telematikoak egin ei zituzten erreforma lantzen ari diren PSOE, Unidas Podemos, ERC, EAJ eta Junts. Datorren astean ponentzia landu nahiko lukete Kongresuan, ondoren Barne batzordean aurkezteko eta azkenik osoko bilkurara eramateko, ahal dela otsaileko lehen osoko bilkuran.
El Plural-ek jaso duenez , abenduan indargabetu zen segurtasun indarren irudiak argitaratzeagatik zigorrak jartzearen atala, baina ez guztiz, hiru salbuespen mantenduko baitira: poliziaren edo haren familiaren segurtasuna kolokan jartzea, indarrean diren polizia operazioei eragitea, edota segurtasun eraikuntza garrantzitsuei eragitea. Salbuespenak esaten da, baina ikusteko dago hiru baldintza horiek zein aukera ematen dieten segurtasun indarrei haien irudiengatik zigorrak jartzen jarraitzeko, orain arte bederen Poliziaren interpretazioa nahikoa izan baita zigorra ezartzeko.
Azken asteetan, halaber, adostasunak lortu dituzte alderdiek isunen inguruan, eta isunen eredu berria izango da herritarraren diru sarreren araberakoa. Hala, Gutxieneko Lansaria baino 1,5 gehiago arte jasotzen dutenek %50eko beherapena izango dute isunean, eta %25eko beherapena 1,5 eta 2,5 gehiago artean eskuratzen dutenek. Areago, bertan behera ere gera liteke dagokion kontziliazio-ekitaldiaren ondoren.
Isunen beherapenak ere adostuta daude: isun arinentzat gutxieneko kopurua 100 eurokoa izango da, orain arte bezala, eta handiena 600 eurotik 500era jaitsiko da. Larriak 501 eta 25.000 euro –gaur egungo 30.000 dira– artean egon litezke eta oso larriak 25.001etik 600.000ra. Orain arteko guztiarekin, erreforma osoaren %96 adostuta legoke, baina oraindik desadostasunak daude gomazko piloten erabileran, agintaritzarekiko begirune ezaren zigorretan eta desobedientzia kontzeptuaren definizioan.
Dagoeneko bi urte pasatu dira Kongresuak onartu zuenetik Herritarren Segurtasunerako Legea erreformatzeko EAJren proposamena. Harrez gero, gaiari buruzko lau ponentzia egin dira eta bosgarrena eta azkena egin nahi da datozen egunetan.
Indargabetzearen aldarrikapena
Herri mugimendutik, oro har, erreforma arbuiatu eta lege osoaren indargabetzea eskatzen dute. Mozal Legea PPk onartu zuen 2015ean eta bada askatasunaren mugatzeari buruz sarri aipatzen den paradigmaren adierazle: herritarren askatasunen aurka arautzen denean gero zaila izaten dela horretan guztian atzera egitea eta beti geratzen dela arrasto errepresiborik. Kasu honetan Espainiako Kongresuak argi berdea eman zion testuari 2015eko martxoan PP eta UPNren 181 botoekin; 140 boto aurkakoak izan ziren, eta abstentzio bakarra egon zen. Orduan guztiz aurka zegoen PSOE, orain erreforma guztiz indargabetzearen aurka agertu da.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]
Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.
Mozal Legea urratu duelakoan, Altsasuko Guardia Zibilak isuna ezarri dio Nafarroako 0-3 Plataformako bozeramaile Eider Garderi, haurtzaindegietako gatazkarekin elkartasunez ateratako argazki batengatik, legez kanpoko elkarretaratzea egotzita.