Otsailaren 15eko greba Nafarroan: arrakastatsua edo ez?
Arratsaldeko Iruñeko manifestazioan 4.000 pertsonatik gora bildu ziren, goizeko Nafarroako Gobernuaren aurreko bilkuran baino gehiago. Sindikatuek gutxieneko zerbitzu gehiegizkoak salatu dituzte eta lanuztearen balorazio positiboa egin dute.
Nafarroako Gobernuaren datuetan Osasunbidean langileen %10,69k egin zuen greba, baina kontuan hartu behar da 8.261 langiletik 4.359 gutxieneko zerbitzuetara deitu zutela. Administrazio orokorraren esparruan 17.890 langileetatik 1.991ek gutxieneko zerbitzuak egiten zituzten, eta greba egin zuen 2.262 pertsonak (%14,23).
Irakaskuntzan jarraitu zen gehien lanuztea, 1.907 pertsonak (%17,42) egin zuen greba. Hezkuntzan, bereziki D ereduan egin zen jarraipena, datuen arabera. Daturik izan gabe ere, goizean bereziki baina arratsaldeko manifestazioan ere bai, hainbatek aipatu zuen horixe bera, batez ere mobilizazioan euskara asko entzuten zelako. Nafarroako administrazio publikoan 29.000 pertsona ari dira lanean.
Eta grebetan ohikoa den bezala, biharamunean balorazioen gerra dator. Kasu honetan Nafarroako Gobernuak esan du aintzat hartzen duela protesta, eta prest dagoela negoziazio mahaian esertzeko, baina ez duela soldata igoerarik eskainiko orain arte egindako proposamenetatik gora. Pentsatzekoa da sindikatuak indartuta joango direla negoziazio mahaira, horren denbora gutxian kalean mobilizazio ahalmen maila bat erakutsi dutelako.
Baina zer da gutxi edo asko? Batetik, gutxieneko zerbitzuek desitxuratzen dituzte datuak, baina bestetik, 29.000 lagunek lan egiten duten lekuan %20ra ez iristea ez dela asko esan liteke. Edozein kasutan, erkatu beharko litzateke administrazioan izandako beste greba batzuekin, eta hor dago gakoetako bat, administrazioa ez dela, hain zuzen ere, grebarako joera duen esparruetakoa. 2008ko krisiko 2010 eta 2012ko mobilizazioetako garaietara egin beharko genuke atzera konparatzeko, ondorengo hamar urteetan ez baita grebarik egin. Beraz, egitea bera ere positibotzat har daiteke; are gehiago langile horietako milaka kalean ere mobilizatzen badira.
Mobilizazioa eta greba ez dira administrazioko sektorearen indargunetakoak, baina murrizketek gogor kolpatu dute esparrua azken hamarkadetan, eta horrek ekarri du lan berdintsua edo gehiago antzeko pertsona kopuruarekin egin behar dela, eta lan baldintza txarragoekin. Datuetatik harago, azpimarratu behar zaio beste balio bat ere asteazkeneko mobilizazioari: gizartean gero eta indartsuagoak diren pribatizazioen aurrean, zerbitzu eta sektore publikoaren defentsa.
Gizarte desmobilizatu batean, mobilizaziorako edo lan gatazkarako abiapuntu gisa hartzen bada izango da interesgarria otsailaren 15eko greba, datozen garai gogorrekin, herritarren mobilizaziorik gabe sektore publikoaren galerak –hau da, herritarrek jasotzen ditugun zerbitzu publikoak– aurrera segituko baitu.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
