“Euskal Herriak independentismoa eta EH Bildu saritu ditu”
EH Bilduko idazkari nagusi Arnaldo Otegi pozik mintzatu da Donostiatik. Adierazi du “benetan gau zoriontsua” pasatzen ari direla, “gau majikoa”. Kanpainan lan egin duten guztiei eskerrak eman ostean, adierazi du Euskal Herriak independentismoa eta EH Bildu saritu duela.
“Sekulako emaitzak izan ditugu. Absentzioa handitu bada ere, bototan igo den alderdi bakarra gara Hego Euskal Herrian. Ordezkaritza ere igo dugu. Lau herrialdetan ordezkaritza duen alderdi bakarra da EH Bildu, eta ordezkaritzan ere lehen indarra”.
Adierazi du bi erronka zituztela jarriak eta biak lortu dituztela: Araban eserlekua lortzea –“bigarren aldiz irabazi diogu trifatxitoari”–, eta Nafarroan Bel Pozueta Madrilera bidaltzea –“justizia poetikoa da”–.
Otegiren hitzetan, agerian geratu da Espainiako estatua krisi larrian dagoela. “Emaitzek hori adierazi dute. Ez dituzte hauteskundeak deitu krisitik ateratzeko, hauteskundeak egiten dituzte krisian daudelako. Gaur berriz ere agerian geratu da eta errealitate nazional ezberdinak daudela: Euskal Herrian, Katalunian eta Galizian argazkia ezberdina da”.
Zoriondu egin dituzte ondorengo alderdiak: Bloke Nacionalista Galegoa, CUP, JxCat eta ERC.
“Ez dugu ahazten, indar ilunak inboluzio antidemokratikoa bultzatzen ari direla eta Voxen emaitzek hori agerian utzi dute. Ezkerreko soberanismoa parean izango dute. Espainiar estatuan dauden sektore sozialista, antifaxista eta errepublikanoei elkartasuna adierazi nahi diegu, jakizue zuekin gaudela”. Otegiren hitzetan, frankismoa soberanismotik izango da garaitua “ala ez da izanen”. Horretarako, orain aste batzuk sinatu zuten Llotja del Marren adierazpen politikoa aldarrikatu du. “Programa hori da frankismoaren haustura dakarren programa. 2 milioi boto gaindituko ditugu eta 29 diputatu izango gara”.
Azkenik, adierazi du EH Bilduk izan behar duela Euskal Herriko sektore aurrerakoien etxea eta Euskal Herriko eta Kataluniako preso politikoak gogoratuz amaitu du balorazioa.
Ondo gogoratzen du noiz izan zen lehen ziztada: 2019ko apirilaren 28an. Espainiako hauteskundeekin kointziditu baitzuen. Modurik txepelenean gertatu zen: beti bozkatzen duen –tradizioz, konformismoz, are abulia puntu batez– alderdiaren boto papera hartu eta... [+]
Zein udalerrietan izan da indartsuen EAJ? Zeinetan EH Bildu? Non bozkatu da gehien Ahal Dugu? Eta Vox non da indartsuen Euskal Herrian? Zein dira PSOEren indarguneak? Eta PPrenak? Kontsultatu guztia infografia interaktiboen bidez.
Azaroaren 10eko Espainiako hauteskundeetan jaurtitako promesak betetzeko ordua iritsi da.
EAJk Bizkaiko azken diputatua galdu du PPren mesedetan, atzerriko botoengatik eta gaizki zenbatutako 200 boto ingururengatik.
Asteartean PSOEk eta Unidas Podemosek Espainiako Gobernua osatzeko akordioa sinatu zuten, baina bi alderdi horien batura ez da nahikoa inbestidura ziurtatzeko. Nola jokatuko du EAJk Madrilen dituen zazpi diputatuekin? Aitor Estebanek ez du gauza askorik argitu oraingoz.
Ez da harritzekoa, kanpaina honetan, Syriza greziar alderdiaz eta Tsipras lehendakari ohiaz aipamen batere ikusi/entzun ez izana, nahiz eta pisu handia izan duen, nik uste, greziar eskarmentu hark. Nahita ahazturik jendearen aurrean, baina presente, oso, kanpaina diseinuetan... [+]
"Politikari guztiak berdinak dira”. Esaldi hori aditzen dudan bakoitzean, egonezinak kolpatzen nau. Norbaitek bere burua apolitikotzat jo edo munduko hiritar gisa aldarrikatzen duela entzunda nabaritzen dudan egonezin berak.
Beste klase bateko erranaldiekin... [+]
Atzoko emaitzak ikusita, Espainiako Gorteetarako egin ziren lehen hauteskundeekiko konparaketa bat egin daiteke. Emaitza ez da berdina, baina badu antzeko kutsua 1977. urtean izan ziren hauteskundeekin konparatuz gero: alderdi askoren presentzia, zatiketa, nazioen presentzia... [+]
Atzo, Pablo Iglesiasek esan zion Pedro Sanchezi, lo gutxiago egingo zuela ultraeskuindarren gorakada ikusta, Podemos-eko ministro bat edo bi izanda. Ez dakit Pedro Sanchezek lo ondo egin duen ala ez, baina argi dagoena da, hauteskunde berriak konbokatu zituenean, Pedro Sanchezek... [+]
Atzo ere, hauteskunde eguna. Eta gaur, berriro ere, gertuko etorkizunaz hausnartzeko eguna. Egia esan, ez dakit zer hautatu dugun edota batzuek zer nahi zuten guk hautatzea. Adibidez, Sánchez hautagaiaren hitzetan, azaroaren 10ean ez ziren politikak bozkatzen, gobernua... [+]
PSOE eta Podemosen arteko akordioa gorabehera, berriro bozkatzera eraman nahi izan gaituzte gobernuaren osaketa alderdi independentisten esku zegoelako. Ez gaitezen engaina, Espainiako egoera ez da gobernua osatu ezinean sortutako blokeo politikoa, ez hori bakarrik bederen:... [+]
Espainiako Kongresurako eta Senaturako hauteskundeen errepikatzea izan da honakoa, 2015etik laugarrenak. Eta lehen galderak izan behar luke zertarako errepikatu dituen hauteskundeak apirileko deialdian irabazle izan zen PSOEk. Izan ere, azaroaren 10eko hauteskundeek joko zelai... [+]