Ostegunean Bilbon emakume bat eta haren bost urteko alaba etxetik kaleratu nahi dituztela salatu dute
Alogerekoak Etxebizitza Sindikatuak salatu du auzokideen egoera. Etxe kaleratzea kaltetuari inolako alternatiba habitazionalik eskaini gabe gauzatzeko asmoa dutela ohartarazi dute, eta alternatibaren bat lortu artean auzokideak defendatuko dituztela jakinarazi.
Astearte gauez jo zuen alarma Bilboko Deustu eta San Inazio auzoetako Alogerekoak Etxebizitza Sindikatuak, bi egunen buruan Arangoiti auzoko bizilagun bat eta haren bost urteko alaba etxe kaleratzeko asmoa zegoela iragarriz. Sindikatuak emandako zehaztapenen arabera, etxe kaleratzeko arriskuan dagoen emakumeak uztailaren 8ko datarekin dauka kaleratze agindua, goizeko 10:30ean, eta duela bi aste eskas heldu zitzaion jakinarazpena “bere bizilekua utzi dezan presioa eginez”. Gauzak horrela, auzokideak “maniobrarako tarte gutxi” izan duela azpimarratu dute.
Etxe kaleratze data gainean zuela, auzoko Etxebizitza Sindikatura jo du kaltetuak, eta kasua salatzearen aldeko hautua egin dute, xede argi batekin: emakumearentzat eta haren alabarentzat alternatiba habitazionala negoziatzea. Gaur gaurkoz, ez baitiete halakorik eskaini. Egoeraren erantzuleen partetik jarrera aldaketa esperoz, asteazken goizean, “instituzioen konplizitateagatik eta eraginkortasun ezagatik auzokideak bere bizia eta etorkizuna bat batean trunkaturik ikusteko 24 ordu baino geratzen ez direla”, Bilboko Gizarte Ekintza Sailaren egoitzara jotzeko asmoa zutela iragarri dute. Aurrez aurreko horretan egoerari aterabidea negoziatzea dute xede auzokideak eta sindikatuak, eta bertan hitz egindakoarekin, emango dute kasuaren egoeraren berri. Herritarrei dei egin diete berriei eta deialdi posibleei adi egotera.
Konfinamenduan hasi zen alokairua ordaintzeko arazoak izaten emakumea, baina bere zaurgarritasun ekonomiko egoera ez da izan etxe kaleratzea eteteko motibo, azpimarratu dutenez. Hori gutxi ez, eta emakumeak indarkeria matxista ere pairatu duela gehitu du sindikatuak. Seinalatu dutenez, Bilboko 1 Barrutiko Gizarte Zerbitzuen Oinarrizko Unitatearentzat eta Etxebiderentzat “bi arrazoi horietako batek ere ez dirudi nahikoa etxe kaleratzea geratzeko”. “Beste behin, errealitateak erakusten digu etxebizitza arazoa zeinen estu loturik dagoen genero auziarekin. Prekarioago izateak, eta auzokide honen kasuan bezala indarkeria matxista pairatzeak, kalteberago bilakatzen gaitu etxebizitza arazoaren aurrean”, egin dute irakurketa.
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]