“Ospitaletik bota ninduten eta oinez joan behar izan nuen aterpe eske”
Duela bi aste, Gasteizen larrialdiko ebakuntza egin ostean kalean utzi zuten etxegabea elkarrizketatu du ARGIAk. Astez aste jakinarazten diote ea aterpea izango ote duen: bi asterako ostatua lortu berri du Omarrek, medikuak egindako txostenari esker. Auzoan Bizik salatu du egoera “egiturazkoa” dela, eta kalean dauden pertsonak egoera “larrian” daudela.
Osasun publikoan artatuak izateko dituzten trabez eta zailtasunez mintzatu dira Mohamed eta Omar. Kalean bizi dira biak, eta Omarri duela bi aste ebakuntza larri bat egin zioten. Ebakuntza egin ostean sei asteko atsedena hartzeko esan zion medikuak. Atseden hartzeko lekurik ez zuenez, Auzoan Bizi etxebizitza sarearen laguntzaz astero aste baterako aterpea lortzen du. Oraingoan beste bi asterako aterpea lortu du. Omar asmatutako izen bat da, administrazioarekin arazoak izatearen beldur delako.
Kalean bizi direnez, Mohamed eta Omar ez daude erroldatuta, eta Mohamedek nabarmendu du “oinarrizko eskubideak” izateko Gasteizen bizi diren pertsona guztiak erroldatzea erraztea beharrezkoa dela. Bat egin du horrekin Maialen Martinezek, Auzoan Biziko kideak: “Erroldatzea eskubide bat izateaz gain betebehar bat da. Gainerako eskubideak lortzeko sarbidea da”.
Erroldatuta ez daudenez Mohamedek eta Omarrek ez daukate Gizarte Segurantzako txartelik, eta zailtasun handiak dituzte osasun publikoan artatuak izateko. “Ez baduzu NANa edo pasaportea ezin zara osasun etxera sartu, eta lortuz gero ez baduzu txartela 80 euro ordaindu behar dituzu. Egoera larria bada larrialdietan artatzen gaituzte”, azaldu du Omarrek. Horregatik, osasun arazoa izan zuenean larrialdietara jo zuen.
Horrez gain, Gizarte Segurantzarik gabe sendagaiak erostea zaila dela kontatu du: “Artatu ninduen medikuari esan nion ez nuela dirurik sendagaiak ordaintzeko, eta ospitalean bertan eman zizkidan. Horrez gain, medikuak txosten bat egin zion azalduz osatzeko beharrezkoa zela sei asteko atsedena hartzea. “Medikuak ez zion soilik ebakuntzari erreparatu, kale egoeran dagoela ere hartu zuen kontuan”, esan du Martinezek.
Ebakuntza egin ostean, ospitalean dagoen gizarte zerbitzuetara jo zuten, baina ez zietenez aukerarik eman, Gasteizko gizarte larrialdi zerbitzuetara jo zuten. “Ospitaletik bota ninduten eta oinez joan behar izan nuen aterpe eske, jakin gabe emango ote zidaten”, salatu du Omarrek. Osasun publikotik ez zioten garraiorik bermatu.
“Zerotik gorako tenperaturak daudenean kalera bidaltzen gaituzte”
Astez aste jakinarazten diotenez berriz ere aterpea izanen duen, Martinezek nabarmendu du beharrezkoa dela Omarrentzat sendatzeko aterpea bermatzea astero eskatzera joan behar izan gabe. Gaineratu du egoera “egiturazkoa” dela, eta kale egoeran dauden pertsonak egoera “larrian” daudela: “Omar bezala beste asko kalean daude, eta hotzarekin arriskua handitu egiten da”.
Etxebizitzarik ez duten pertsonak artatzeko, Neguan Ostatua emateko Bitartekoa (DAI) zegoen Gasteizen, baina 2019. urtetik ez dago martxan. Auzoan Biziko kideek berriz martxan jartzeko eskatu dute. Mohamedek gertutik kontatu du nolakoa den aterpearen funtzionamendua: “Zerotik gorako tenperaturak daudenean kalera bidaltzen gaituzte”.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]