Ospak garagarrilaren 22an Altsasura joateko deia egin du
Egun osoko egitaraua prestatuko duela jakinarazi du, “autonomietako polizia indarren errepresio izaera” aztertuko duen mahai-ingurua eta manifestazioa barne.
Albiste hau Guaixek argitaratu du eta Creative Commons lizentziari esker ekarri dugu.
Ospa mugimenduko kideak garagarrilaren 22an “kalera aterako gara errepresio eta okupazio indarrei tinko mantenduko garela erakusteko. Errepresioaren aurrean elkartasuna eta antolakuntza aukeratzen ditugula argi eta garbi esateko”. Egun osoko egitaraua antolatu dutela jakinarazi dute, baina bi ekitaldiren berri aurreratu dute soilik. Aurrena, “polizia indar zipaioen errepresioa sufritu duten hainbat pertsona” bilduko dituen mahai-ingurua eginen dute, “polizia integralak Euskal Herriko okupazioan eta errepresioan beteriko papera aztertzeko, eta gizartean betetzen duten funtzioaren inguruan hausnartzeko”. Iortia kultur gunean izanen da, 12:00etan. Bestea manifestazioa da.
Ospako kideek Altsasuko Udalak eta Foruzaingoak itxitako hitzarmena eta haren “eragina” salatu zituzten: “aurretik jada handia zen kontrol soziala ikaragarri areagotu da eta altsasuarrok Foruzaingoaren presentzia itogarria sufritu behar dugu. Horri guztiari Guardia Zibilak duen presentzia agerikoa gehituta, Euskal Herri jazarria eta okupatuta jarraitzen duen seinale”. Ospako kideen iritziz, Foruzaingoa “errepresio indar okupatzailea da. Guardia Zibilarekin batera euskal herritarrak jazartzen dituena”. Ospakoek ez dute “inolako errekanbiorik onartuko. Polizia integralaren proiektuak ez du, inondik inora, errepresioa eteteko laguntzarik ekartzen”. Eta Foruzaingoaren “errepresio izaera” nabarmendu dute, hainbat adibide emanez.
Errepresioaren kontrako mugimendutik gaztigatu dutenez, “bertakoak edo kanpokoak, gauza bera dira”. Gaineratu dutenez, “Guardia Zibilarekin batera mekanismo bateratu bat osatzen du, horiek joaterakoan, errepresio inguruko eztabaida eta aldaketa sakonen ezean, Euskal Herri langilearen kontrako errepresioari gogoekin ekinez. Sistema kapitalistaren defentsa da haien helburua. Euskal Herria okupatzen duen Estatu Espainolaren defentsa”.
Altsasura itzuliko da Ciudadanos, Ospa Egunaren bezperan. "Bertako guardia zibilek eta gure zerbitzari publiko guztiek askatasunaren alde egiten duten lana eskertzea" dute helburu, Ines Arrimadas alderdiko buruaren hitzetan.
Beste urte batez antolatu dute Ospa! eguna Altsasun. Poliziaren "normalizazio garaian" indar polizial ororen beharra ukatuko dute irailaren 3an.
Urteko lehen hiru hilekoan Guardia Zibilaren 87 eta Foruzaingoaren 38 kontrol zenbatu ditu Ospa mugimenduak.
"Ofentsiba kapitalista berri baten testuinguruan errepresioaren kontrako mugimendua indartzeko garaia da. Errepresioaren aurrean elkartasuna adierazi, elkar babestuz, errepresio indarrak desobedituz, ziurikatuz, autodefentsa eraikiz, saretuz". 1.300 bat pertsona egon... [+]
Ospa mugimenduak aurtengo Ospa Eguna aurkeztu du. Abuztuaren 29an, larubantean, izanen da. Aurreko eguneratarako ere egitaraua prestatu du mugimenduak.
Guardia zibilen elkarteak “terrorismoa goratzea” leporatzen die antolatzaileei, eta deialdia debekatzea eskatu. Aste berean, Ospa mugimenduko bi kidek isunak jaso dituzte, iazko Ospa Egunarekin loturan zabalik dagoen ikerketa bat salatzeagatik.
Militante politikoen aurkako errepresioa salatzearekin batera, abuztuaren 29ko Ospa Egunean parte hartzera deitu du mugimenduak, "buroerrepresioarekin eta Guardia Zibilak, indar errepresibo guztiekin batera, suposatzen duen birus nazkagarri horrekin" amaitzeko.
Ospa! herri mugimenduak antolatutako errepresioaren kontrako asteari akabera emateko, Altsasuko hainbat eragilez lagunduta prentsaurrekoa eman du. Nafarroako Lurralde Auzitegia Ospa egunean "gorroto delitua" izan ote zen ikertzen ari da. Hura salatu eta Osparen... [+]
Astelehenetik larunbatera bitarteko egitaraua prest du.
Ismael Moreno epaileak Ospa Eguna debekatzea "giza eskubideen murrizketa bat" ekar lezakeela adierazi du. Era berean, ez ditu aurretiazko neurriak hartzeko moduko deliturik egingo dela iragartzeko motiboak ikusi. Alabaina, Ospa Eguna "zaintzeko" agindu du... [+]
Larunbateko Ospa Eguna debekatzea eskatu dio Espainiako Auzitegi Nazionaleko fiskaltzak epaileari, Guardia Zibilaren JUCIL elkartearen eskaria dela eta. Haien esanetan, instituzio armatuaren aurkako gorrotoa sustatzen duen festa bat da.
Hilaren 31n izanen da; “historia-memorian sakontzeko gure ekarpena izanen da. Gure herrian errepresioak izan duen ibilbidea ezagutzeko”.