Iruña-Veleiako hiru akusatuetako batek akordioa lortu du Fiskaltzarekin. Oscar Escribanok ondarearen kontrako delitua onartu du; hortaz, urtebeteko espetxe zigorra ezarri diote, baina ez da espetxera joango.
Arabako Fiskaltzak hiru urteko espetxe zigorra eta 24 hilabeteko isuna eskatzen zituen Escribanorentzat, ondare historikoaren gaineko delitua egotzita; eta bi urte eta sei hilabeteko zigorra iruzurragatik. Bestalde, AFAk hiru urte eta bederatzi hilabete eskatzen zituen geologoarentzat, ondare historikoari kalte egitea leporatuta.
Gainera, hamabi hilabetez egunero sei euroko isuna ordaindu beharko du (2.232 euro). Era berean, Eusko Jaurlaritzari 300 euro ordaindu beharko dizkio kaltetutako piezagatik, eta Arabako Foru Aldundiari beste 300, aztarnategian egindako inbertsio gastuengatik.
Dagoeneko zigortuta hasi du epaiketa Escribanok. Eliseo Gilekin eta Ruben Cerdanekin zer gertatzen den jakingo da epaiketan zehar.
Bestalde, Eliseo Gilek bere errugabetasuna defendatu du epaitegien atarian, epaiketa hasi baino minutu batzuk lehenago. Datozen orduetan luzatuko da Iruña-Veleia auziko epaiketaren lehenengo saioa.
99 egun eta gero, Arabako Aldundiko arduradunekin egindako bileraren ostean, gose greba amaitzea erabaki du Joxe Mari Lejardi Gabixolak. Izan ere, Aldundiak Iruña-Veleiako aztarnategiarentzako plana diseinatzeko prozesua abiatuko du.
Joxemari Lejardi Gabixolak bi hilabete daramatza gose greban, Iruña-Veleia auzia "bide zientifikotik" bideratzea eskatzeko. Pasa den larunbatean, giza kate bat egin zen Gasteizen, Bibat Museotik Eusko Legebiltzarreraino.