Osasungintzako profesionalen hamarretik bik ez daki euskaraz EAEn, eta Nafarroan ia hamarretik zazpik
UEMAk asteazkenean eman zituen jakitera aurtengo datuak; orokorrean, ez dute aldaketa handirik izan. Hezkuntzan eragin behar dela nabarmendu du Josu Labaka UEMAko lehendakariak.
UEMAk (Udalerri Euskaldunen Mankomunitatea) osasungintza arloko profesionalen hizkuntza gaitasuna aztertu du, herritarrek euskaraz aritzeko eskubidea bermatzeko xedez. Bi urtean behin egiten da lanketa, eta aurten, orotara 86 udalerritan banatutako 616 langile aztertu dituzte.
UEMAren datuen arabera EAEko Osasun sistemako langileen %21’6k ez du hizkuntza-eskakizunik, eta are okerragoa da datua Nafarroan: %68a. Orain bi urteko datuekin alderatuta hobekuntza nabarmenik ez dela ageri azpimarratu du Labakak, eta kezka azaldu du.
Nafarroako Osasunbidek iaz eman zuen aurrerapausoa: euskararen B2 maila eskatzeari ekin zion. Hala eta guztiz ere, oposaketetan ez zen beharrezkoa izan B2 maila izatea, Nafarroako Gobernuak ez baitu hala dioen legerik. Bestalde, Labakak adierazi du kezka dutela hizkuntz-eskakizuna daukatenekin, baina euskaraz komunikatzeko gai ez direnekin –alderantzizkoa ere gertatzen da–. Horren aurrean zer eta nola egin jakitea zaila dela esan du.
Ezta haurrek ere
Dena dela, fokoa haur eta gazteengan jarri du Labakak. Orokorrean denei eragiten dien arazoa bada ere, gazteenen kasuan larriagoa da.
Anbulatorioa duen udalerririk txikienek ere pediatra bat izan ohi dute –askotan bakarra–, eta hori erdalduna izateak eragin handia du. Deba, Getaria, Aramaio, Usurbil, Leitza eta Elgeta aipatu ditu adibide bezala. Gainera, nabarmendu nahi izan du UEMA osatzen duten udalerri askok ez dutela anbulatoriorik –herri txikiak direlako–, eta beraz, herritarrek sarri joan behar izaten dutela hiri edota herri handiagoetara, eta han arazoa larriagoa dela.
Hezkuntzan eragin beharra
Mediku eta erizainak formatzen diren lekutik, unibertsitatetik, hasi behar dela lanean nabarmendu eta eskatu du Labakak, publikoki salatuz EHUk eskaintzen dituen euskaldunentzako plazak gutxiegi direla –ikasturte honetan kopurua igo duten arren–. Azken finean, “zerbitzuaren kalitatea eskasa izango da beti, hizkuntza ofiziala hautatzeko bermerik ez bada”, azpimarratu du UEMAko lehendakariak.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]