Osasungintza pribatuak ez du ezer galdu
Joan den astean Osasunbideko eskutitz bat jaso nuen, aspaldian pendiente nuen hitzordu baterako. Hasieran ohartu ez banintzen ere, Clínica Universitaria de Navarra ospitalera bideratzen ninduten. Eskutitza bidali aurretik, telefonoz deitu zidaten, eta argi adierazi nien ez nuela toki hartara joan nahi. Alferrik.
Gurean, ohikoa da osasungintza publikotik pribatura baliabideak bideratzea; kasu honetan, Opus Deiren ospitale batera. Pandemiak zerbitzu publikoen ezinbestekotasuna erakutsi badigu ere, Administrazioak zerbitzu pribatuak indartzen jarraitu du, orain arteko jardunbide desegokia zuzendu gabe. Eta hala, osasungintza pribatuak diru asko irabazi du covid-19aren agerraldiarekin.
"Sistema publikoa indartzeko aukera historiko bat izan dugu, eta ez dugu hura bultzatzeko ahaleginik egin, ez erakundeetatik, ezta kaletik ere"
Sistema publikoa indartzeko aukera historiko bat izan dugu, eta ez dugu hura bultzatzeko ahaleginik egin, ez erakundeetatik, ezta kaletik ere. Kaleko erritmoa apal dago; lan politikorako hipotesi gutxi dugu, eta indarra, berriz, ahuldua. Horrela hasi genuen pandemia, eta horrela jarraitu dugu konfinamenduan eta ondoren. Badakigu osasungintza publikoa ezinbestekoa dela, baina hura defendatzeko aukera ekarri digun une historiko honek jokoz kanpo harrapatu gaitu.
Aitzitik, beste eremu batzuetan urrats eraginkorrak egin ditugu, guztiontzat onuragarriak izan ez badira ere: sindikatuak irakasleen eskubideak defendatzen tematu dira, umeen beharrei begiratu gabe; funtzionario askok telelana defendatu dute, pentsatu ere egin gabe haiei ere badagokiela zerbitzu eta baliabide publikoen funtzionamendu egokiaren ardura... Aldaketa handiak etorri dira, ez denontzat mesedegarriak. Sistema publikoa bere osotasunean hartu eta horretan sinistu gabe, horren alde lan egin gabe, alferrik ibiliko gara. Bitartean, 2021eko maiatzean, eta Osasunbideri esker, Opus Deiren ospitaleak arratsaldeko 19:00etako kontsultak betetzen ditu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Uharteko artzain egunean azaldu zuten Euskal Herriak nazioarteko ardi mozketa txapelketatan aritzeko onarpena lortu duela. Ofizialtasuna Eskoziako 2023ko munduko txapelketan etorri zen, euskal moztaileek aurkeztutako dosierra eta bertan egindako defentsa bikainaren ondorioz... [+]
Segur aski, gutariko gehienek jada erosiak dituzte, han eta hemen, Eguberrikari banatzeko opariak. Olentzeroren bisita gautar hori hitzordu handia baita, bereziki haurrentzat. Denak prestatzen dira urteko garai emankor horretarako: Bilbo sutan agertzen da, Gasteiz, Iruña... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Beharbada gizakion ahultasunetariko bat gehiengoari entzuteko eta kasu egiteko dugun joera da. Ziur gure espeziearen garapenaren ezaugarri garrantzitsua izan dela, eta beharrezkoa biziraupenerako. Baina digitalizazioarekin, dugun ezaugarri horrek zaurgarriagoak bilakatu... [+]
Bileretan denetarik elkartzen gara, eta bilerek berek nolakotzen gaituzte unean, bakoitzak bere rola izaten baitu, bere boteretxoa (edo haren falta), adina, bizitzako momentua. Baina beti-beti daude isiltzen direnak. Letek kantatzen zigun handitzean ikasiko genuela isilik... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Tabernan zaude, barran, eskatu nahian. Mostradorean beste pertsona batzuk ere berdin. Laster izango da zure txanda, baina zuri tokatu arren, zerbitzariak ez dizu galdetu ea zer nahi duzun, salto egin dizu eta zure atzean etorri den gizona atenditu du. Ergel aurpegia geratu... [+]
Barruan dudan zera honi idatzi nahiko nioke. Pandemiatik ia bost urte beteko dira, eta garai hartan gazteak ginenak hasi gara, gazte izaten jarraitzen badugu ere, bestelako espazio batzuetan orbitatzen. Etxebizitza, bizi proiektua, amatasuna, lana, osasuna... elkarrizketetako... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]