Osasunbidean 11 medikuk 17.000 euro irabazten dituzte hilero
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Osasunbideako 11 medikuren artean 2,3 milioi euroko irabaziak izan zituzten 2024an. 300 bat pertsonak 100.000 eurotik gora irabazten dute urtean, eta horietatik 11k batez beste 230.000 euro, hau da, 17.000 euro hileko. Horietako lauk hileko 20.000 euro patrikaratzen dituzte eta batek 24.000 euro hileko. 2023an gehien irabazi zuenak 243.000 euro eraman zituen, eta 2024an 288.000 euro.
EH Bilduk jakinarazi du urteko 100.000tik gora euro irabazten dituzten profesionalen kopurua gora doala: 2022an 376 izan ziren, 2023an 511 eta 2024an 667. Adolfo Araiz EH Bilduko parlamentariak legebiltzarrean adierazi duenez, gehien irabazten duen medikuak Nafarroako lehendakari María Chivitek baino hiru aldiz gehiago kobratzen du.
Gutxien irabazten duten medikuen berri ere eman du EH Bilduk: gehigarri berezirik ez dutenek 55.000 euroren bueltan jasotzen dituzte urtean; eta formakuntzan ari direnak bi mailatan daude, lehen urtez lanean ari direnek 18.000 euro irabazten dituzte eta bosgarren urtekoek 24.890 euro.
Txomin González EH Bilduko parlamentariak legebiltzarrean jakinarazi duenez, 2024an ordu estrak direla eta Osasunbidean diru gehien jaso duen pertsonak 183.915 euro poltsikoratu zituen. Bere kalkuluen arabera, oporretako 30 egunak kenduta, pertsona horrek urtean zehar 12 orduko lanaldia izan zuen egunero.
Dominguez: “Lan boluntarioagatik jasotako dirua da”
Otsailaren 13an legebiltzarrean EH Bilduri emandako erantzunaren arabera, Fernando Domínguez Nafarroako Gobernuko Osasun sailburuak argitu zuen irabaziok profesionalek egindako lanaren ordainketa gehigarriak direla, eta lan hori boluntarioa dela. Bere ustez, beraz, “ez litzateke ezer aldatu edo zuzendu behar”, baina bai arautu behar da gaia, lehentasuna arreta beharra izateko eta ez ahalik eta diru gehien irabaztea. Gobernua, dena den, soldata arrakala txikitzeko lanean ari dela aipatu zuen Dominguezek.
Ostegun honetan legebiltzarrean onartutakoaren arabera, beraz, gobernuari eskatu zaio urtebeteko epean aurkez dezala osasun sistema publikoan profesionalek dituzten irabaziei buruzko ikerketa. Berau “modu irekian aurkeztu beharko da, parte-hartze politikoa, sindikala eta herritarra bermatzeko, horrela irabazi berrien oinarriak kontsentsu zabala eta gardentasuna izan dezaten”.
Adostasun eta desadostasun ezohikoak eman dira ostegun honetan foru legebiltzarrean: UPNk eta PPk bat egin dute EH Bilduren eskaerarekin, hori bai, eskatuta ikerketa enpresa pribatu batek bidera dezala; PSN, Geroa Bai eta Vox aurka agertu dira, eta Contigo-Zurekin abstenitu egin da.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.
Baliabide eta langile falta salatu du RTX auzolan egitasmoak: “Hilabete bateko itxaron zerrendak ditugu”.
Paso a Paso errehabilitazio zentroan bizitako lan baldintza txarrak salatu ditu Amaia Agirre logopedak.
Nafarroan 2021 amaieran 6.531 lagun zeuden ebakuntza “ez-larri” baterako itxaron zerrendan, eta 2022 amaieran 8.206. Araba, Bizkaia eta Gipuzkoan 21.701 paziente zeuden zain 2021ean, eta 2022an, berriz, 23.029. Bietan handitu dira itxaron zerrendak.