Osasunbideako zazpi atal-buru ikertzen ari dira ustelkeriaren bulegotik, esklusibotasuna tartean
Nafarroako Ustelkeriaren Aurkako eta Jardunbide Egokien Bulegoak egiaztatu du Osasunbideko zazpi atal-burutza araudia bete gabe ari direla lanean, LABek ostegun honetan Iruñean jakinarazi duenez. Esklusibotasuna dago tartean eta, antza denez, dituzten kontratuekin ezingo lukete eremu pribatuan lan egin.
Lehenagotik ere, LABek salatuak zituen Osasunbidean bere aburuz ziren hainbat jokabide desegoki. Batetik, martxoan jakinarazi zuen hainbat medikuk Osasunbideko esklusibotasuna kobratzen zutela –hilero 800 euro–, baina gero, legez kanpoko jardunean, eremu pribatuan ere lanean ari zirela.
Horrez gain, salatu zuen ospitaletako hainbat alorretako atal-buru ere arlo publikoko euren lanaz gain, eremu pribatuan ari direla, halako karguek horretarako aukerarik eskaintzen ez dutenean. Salaketa horiek gezurtatu egin zituzten Osasun Departamendutik, eta hango arduradunen esanetan, salatutako pertsona horiek ez lukete aipatzen diren izendapenik, beraz, posible lukete eremu pribatuan aritzea.
Orain LABek agertu duenez, Ustelkeriaren Aurkako Bulegoak aurkeztu duen txostenak erakutsiko luke badirela zantzuak esateko gertakari horiek egiazkoak direla. Txostenak dioenez, zazpi profesional ari dira atal-buru gisa lanean horretarako izendapenik ez dutenean. Gogoratu behar da, 2019an gaia aztertu zuela Nafarroako Justizia Auzitegi Gorenak eta emandako auzian, Osasunbideak egindako gisa honetako izendapenak bertan behera utzi zituen, lanpostu horiek ez zirelako konkurtso bidez atera.
Horietako kasuetako bat da orain ustelkeriaren aurkako bulegoa aztertzen ari den Lizarrako García Orcoyen Ospitaleko Ginekologia Saileko burua. Aipatzen da, halaber, ustelkeriaren aurkako bulegoak birritan eskatu diola gaiari buruzko informazioa, baina atal-buruak ez duela informazio zehatzik eman bere egungo egoera profesionalaz.
Osasunaren pribatizazioaz
Imanol Karrera Nafarroako LABeko bozeramaileak salatu duenez, “Nafarroako Gobernuko Osasun Departamentuak Navarrabiomed pribatizatzeko urratsak egiten jarraitzen du, arriskuen gainean hausnarketa eta baloraziorik gabe”, eta bide hori alboratzeko eskatu dio, erabat publikoa den osasun ikerketako institutu baten alde egiteko. “Ez dizuegu osasun publikoa pribatizatzen utziko. Pribatizazio estrategiak gelditu egin behar du, eta norabide horretan ematen den urrats bakoitza salatuko dugu”, azpimarratu du Karrerak.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]