Osasunbideak erizain lanpostu bat kendu du Erronkariko bailaran
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Duela hiru urte Osasunbideak mediku plaza bat kendu zuen Erronkarin. Hori dela eta, bi mediku eta hiru erizainekin geratu ziren bailara osoa artatzeko. Azaroan, Izabako osasun etxeko zuzendaritzak iragarri zuen erizain lanpostu bat kenduko zuela. Amparo Viñualesek, Erronkariko alkateak eta erizain ohiak, salatu du erabakia “arbitrarioa” izan dela eta ez dituztela udalak kontuan hartu: “Herritarren ordezkariak gara, eta horrelako erabakiak beti zonaldeko arduradunekin kontsultatu behar dira. Gu gara benetan zonaldeko beharrak ezagutzen ditugunak”.
Erabaki horren kontra daude Uztarrozeko, Urzainkiko, Erronkariko, Gardeko, Burgiko eta Bidankozeko udalak, alegia Erronkariko bailarako udal guztiak, Izabakoa izan ezik. Izabako osasun zentroko zuzendaritzarekin bildu ziren, zergatiaren azalpenak eta zonaldearen kudeaketarako plana eskatzeko eta “harrituta” eta “haserre” daudela adierazteko. Horren ostean, urtarrilaren 16an, Osasunbideak jakinarazi zien bat egiten zuela Izabako osasun etxeak hartutako erabakiarekin, eta erizaina ez dela itzuliko. “Gure harridurarako, soilik hegoaldean dauden herrien kontsultategien plana erakutsi ziguten. Horren arabera, Erronkariko eta Burgiko kontsultategiak soilik hiru egunetan izanen dira zabalik; Gardekoa bitan eta Bidangozekoa behin baino ez”.
"Erizainek oso lan garrantzitsua egiten dute, plaza bat kenduz kolokan jartzen dituzte zaintza, prebentzioa eta osasun komunitarioa"
Erizaina kentzeko arrazoiari dagokionez, Osasunbideak emandako argudioak “sakontasunik gabekoak” direla dio Viñualesek: “Soilik kontuan hartu dute zenbat osasun txartel dauden, eta ez dute aintzat hartu zer-nolako herritarrak dauden. Hau da, ea zaharrak diren edo ez, gaixotasun kronikorik daukaten…”. Horregatik, azterketa “sakon bat” egiteko eskatu diete.
Hogeita bederatzi urtez erizaina izan da Viñuales; ongi ezagutzen ditu bailaran dauden beharrak eta lan karga. Azaldu duenez, soilik bi profesional daudenean, bat gaixotzen bada pertsona bakarrarengan erortzen da lan zama guztia, eta soilik larrialdiak artatu ditzakete. Hori dela eta, prebentziorako neurrietan eragingo duela dio: “Lehen mailako arreta ez da soilik sendaketak egitea, injekzioak jartzea eta horrelakoak. Erizainek oso lan garrantzitsua egiten dute prebentzioan, baina erizain plaza bat kenduz kolokan jartzen dituzte zaintza, prebentzioa eta osasun komunitarioa”.
Despopulatzea areagotzen duen neurria
Horrez gain, landa eremuko despopulatzea “areagotzen” duen neurri bat dela salatu du. Nabarmendu du “oso garrantzitsua” dela despopulatzea saihesteko zerbitzu publikoak bermatzea eta hezkuntza, osasuna eta hazkuntza babestea: “Ditugun zailtasunez gain, nahitaezkoak diren zerbitzu horiek guztiak kentzen badituzu, jendeak ez du erabakiko hemen bizitzea”.
Viñualesek argi utzi nahi du udalen haserrea ez dela osasun arloko profesionalek eskaintzen duten arretarengatik. Kontent dira langileekin eta ez dute nahi zerbitzua gehiago murrizterik. Horregatik, Osasunbidearekin hitz egiten jarraituko dute: “Erabaki guztiak gerora komunikatu dizkigute, eta hori oso larria da. Udalok gure zonaldeko oinarrizko zerbitzuak defendatu behar ditugu”.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.
Baliabide eta langile falta salatu du RTX auzolan egitasmoak: “Hilabete bateko itxaron zerrendak ditugu”.
Paso a Paso errehabilitazio zentroan bizitako lan baldintza txarrak salatu ditu Amaia Agirre logopedak.
Nafarroan 2021 amaieran 6.531 lagun zeuden ebakuntza “ez-larri” baterako itxaron zerrendan, eta 2022 amaieran 8.206. Araba, Bizkaia eta Gipuzkoan 21.701 paziente zeuden zain 2021ean, eta 2022an, berriz, 23.029. Bietan handitu dira itxaron zerrendak.
Fisioterapeuta eta osteopata da Amaia Estanga. Lana zertan datzan azaldu, eta osasun sistema publikoan artatzeko dituzten zailtasunez mintzo da.