Mespretxu gehiagorik ez dutela onartzen eta behingoz gipuzkoarron osasun, ingurumen eta justizia babestu dezatela eskatu dute larunbat eguerdian (hilak 23) GuraSOSek Donostian antolatu duen giza katean parte hartu dutenek. Gogoan izan dituzte noski, azken urteotan erraustegian izandako gertakari guztiak; Zubietako planta behingoz geratzea eskatu dute.
Osasuna, ingurumena eta justizia babestu eta erakundeek, deitzaileen esanetan agerturiko mespretxua salatu eta haserrea adierazteko giza kate berezia egin da larunbat eguerdi honetan Donostian, GuraSOSek antolatuta. Zubietako erraustegian azken urteotan izandako sute, leherketa eta isuri eta gainerako istripuak salatu eta behingoz azpiegitura hau geratzea eskatu dute.
Mobilizazio oso berezia izan da, pandemia garai honetan eragile honek deitutako lehenengoa; COVID-19 garaiko lehen giza katea. GuraSOSen SOS edo larrialdi dei hori islatzen duten hizkien koloreko musukoekin parte hartu dute gipuzkoarrek; antolatzaileek mobilizazio atarian banatu dituzten musuko gorriekin. Pandemiak une honetan hain beharrezkoa dugun elkarri eskua ematea eragotzi du, katea honenbestez ezin izan da eskuekin osatu; baina ezarriak dauden prebentzio neurriak zorrotz betez, pertsonekin bai. Katebegi bakoitza norbanako edo bizikidetze unitate batek osatu du, garai zail hauetan ere halako mobilizazioak modu egokituan egin daitezkeen adierazle argia izan da.
Aipatu moduan, eskua eman gabe, baina elkarrekin lerrokatu dira denak, "osasuna, ingurumena eta justizia" babesteko aldarriaren bueltan. Giza kateko lehen metroetan usurbildar anitz aurkitu ditugu, baina baita Donostiatik bertatik nahiz Gipuzkoako beste hainbat txokoetatik joandako herritarrak ere.
Lotura honetan noaua.eus-ek GuraSOSen adierazpena irakurri zuteneko bideoa eta adierazpena bera idatziz jaso du.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.